上次去食一汁一菜時已經覺得呢間嘅三文治好吸引今次經過尖沙咀去試一試🤣除咗有各款鐵板三文治提供外仲有唔同嘅小食同意粉選擇想食得健康d嘅話亦有沙律提供依加外賣自取仲做緊85折😆 🔸蝦兵蟹將鐵板三文治 $65有成隻炸軟殼蟹，即叫即炸卜卜脆🤣小龍蝦沙律好足料，啖啖龍蝦肉，中間仲夾住甘藍菜沙律、青瓜、羅馬生菜，口感好豐富，非常爽口。再配埋他他醬同俄式蛋黃醬，真係好yummy😋 🔸慢調撕理食肉獸鐵板三文治 $62俾佢個份量嚇親😨慢煮手撕豚肉塞到個三文治滿哂，豚肉慢煮後好淋身，非常juicy。炸洋蔥圈就非常香脆，仲有成塊車打芝士，真係好邪惡🤣配埋甘藍菜沙律、蕃茄同羅馬生菜一齊食好夾。醬汁方面佢就加咗焦糖洋蔥蛋黃醬同芥末籽蛋黃醬，兩者相輔相成，昇華晒成個三文治嘅味道😍 🔸粒粒炸魚薯條 $38薯條係粗身果款，炸得好香脆，好濃薯仔味👍炸魚粒亦炸到卜卜脆，正呀😆 🔸自家製蟹肉忌廉餅 $38一份有三件蟹肉忌廉餅，每件都食到好多蟹肉，非常足料，同樣亦炸得好香脆🤣 🔸雞絲蘋果沙律+椰菜花薯仔沙律 $58沙律可選擇單併或雙併，有四款沙律選擇，價錢都係一樣。雞絲蘋果沙律好開胃好多生果，椰菜花薯仔沙律就比較飽肚，兩款沙律都好好味😋 🔸Oreo Croffle $32Croffle焗得好香，食落亦脆口，內層好香牛油味。上層cream好多好邪惡，配埋oreo碎同餅食，非常好味🤩最驚喜係拎到翻屋企先食都係好酥脆😍下次一定試埋其他味道 #CABLfoodreview食物：⭐⭐⭐⭐⭐環境：⭐⭐⭐⭐服務：⭐⭐⭐⭐（5星為滿分）📍 HAND3AG (尖沙咀)尖沙咀河內道18號K11購物藝術館B2樓B226號舖My Instagram:👩🏻🍳https://www.instagram.com/cookandbakeladyMy Facebook:https://www.facebook.com/cookandbakeladyy喜歡請比Like我既IG & FB💕#hkfoodie #foodietaste #hkig #hkfood #hkfoodpic #foodstagram #foodiegram #healthy #foodporn #foodphoto #foodshare #sandwich #salad #dinner #tst #instafood #foodiehk #852food #吃貨人生 #晚餐 #食評分享 #三文治 #沙律 #輕食 #餐廳 #食評 #尖沙咀美食 #美食日記 #相機食先
