屯馬綫開通左🚇去九龍城都方便左好多九龍城除左泰國菜出名川菜都一樣咁出色👍🏼今次搵到一間新開嘅川菜餐廳酸菜魚🐟抵食又好味餐廳座位亦非常舒適檯面仲貼心放左包裝紙巾💕 -主打菜-🔸正宗老壇酸菜魚(標準) $198餐廳主打酸菜魚，係必點之菜😋標準酸菜魚夠晒2-3人食，叫左小辣，唔會好辣🌶 最欣賞呢間嘅酸菜魚唔會太油膩，魚嘅份量好多，而且好滑無骨。配料有芽菜、蘆筍、青瓜、花椒、薯粉及酸菜。特別一提，個薯粉非常煙靭。除左魚，就連d配料都好足料，抵食之選。 -特色小食-🔸蒜泥白肉 $52蒜泥猶如山咁鋪係面，腩肉薄而唔鞋口，沾埋辣汁及蒜泥食非常惹味。 🔸金蒜手拍青瓜 $36食川菜一定要食手拍青瓜😙佢係一款涼菜，酸酸甜甜，而且有唔少蒜蓉，令到青瓜更加香。青瓜經過拍打，非常爽口。 🔸雞絲粉皮 $68粉皮比平時其他餐廳食嘅有點唔同。粉皮厚厚，非常滑溜煙韌，口感好好！粉皮索晒辣汁好香濃，配有嫩滑雞絲，非常惹味👍🏼 -椒鹽系列-🔸椒鹽脆鮮魷 $98呢款真係鑊氣十足嘅小炒，非常推薦！炸粉唔會過厚，令到鮮魷香脆可口。碟內有唔少指天椒，鮮魷有香辣味道，咬入內層，鮮魷爽口彈牙，鮮味十足。 -飲品- 🔸荔枝寒天梳打 $26本來荔枝梳打$20，加多$6就有埋寒天。荔枝梳打有濃郁嘅荔枝味，配埋「零熱量」、口感Q軟彈牙嘅寒天一齊飲，解辣一流！🔸洛神花梳打 $20第一次見洛神花mix梳打，呢個配搭都幾特別！洛神花梳打酸甜可口，好開胃。 #CABLfoodreview食物：⭐⭐⭐⭐⭐環境：⭐⭐⭐⭐⭐服務：⭐⭐⭐⭐⭐（5星為滿分）📍肥老闆老壇酸菜魚 地址: 九龍城衙前圍道54號地舖記得follow埋我IG & FB睇最新既食譜及食評My Instagram:👩🏻🍳https://www.instagram.com/cookandbakeladyMy Facebook:https://www.facebook.com/cookandbakeladyy喜歡請比Like我既IG & FB💕#hkfoodie #foodietaste #hkig #hkfood #hkfoodpic #foodstagram #foodiegram #foodiepic #hkblogger #foodporn #foodpic #foodphoto #foodshare #kowlooncityfood #instafood #foodiehk #852food #川菜 #肥老闆老壇酸菜魚 #酸菜魚 #吃貨人生 #食評分享 #食評 #九龍城美食 #九龍城 #美食日記 #相機食先
