將軍澳南附近多左好多新餐廳 最近行開發現開左間新日本菜 價錢好親民😉份量又多 位於海天晉側商場1樓 餐廳日系設計感極強 佈滿木系吊燈🔅 如果多人一齊去食飯👨👩👧👦 仲有和室塌塌米包廂自成一角 私隱度極高🤞🏻真係岩晒聚餐 亦有壽司吧枱、室外露天平台 望住outdoor個大草地都幾chill 無論係set或者單點 Menu款式選擇都有好多 擺盤以及食物都係非常精緻 真係私心推薦呢間餐廳✨ 已經諗住約朋友一齊包廂再去食飯😆 🔸特上刺身盛 Set $328 呢個Set餐好豐盛，跟餐有麵豉湯、一碗珍珠米白飯、甜品、土佐豆腐、沙律。連個土佐豆腐都好好食，外層好脆皮，內層豆腐好滑溜。刺身有活赤貝、日式赤牡丹蝦、三文魚、中拖羅、深海池魚、活赤貝小卷！刺身簡直令人讚嘆呀～款款刺身都超厚切，目測起碼有1cm咁厚☺️而且非常新鮮️，擺盤亦都非常靚！中拖羅簡直係入口即溶！有一刻我以為睇錯個價錢，晚市包左咁多野好抵食！ 🔸廚師發板串燒 (跟餐+$48) 有兩串串燒，包括一串鯖魚、一串秋葵。燒得好香😆鯖魚肉質鮮嫩。 🔸廚師發板6件壽司Set $288 呢個Set包左麵豉湯、一杯磯煮鮑魚飯、6件壽司包括黃金松葉蟹肉壽司、海膽壽司、甘海老壽司、帶子壽司、池魚壽司、吞拿魚腩壽司、三小卷係蔥碎吞拿魚腩。壽司🍣飯用左赤醋米呈淺啡色，非常好食👍🏼壽司款款都非常新鮮😍當中黃金🦀松葉蟹肉壽司有好多蟹肉，非常鮮甜☺️ 🔸賀天招牌卷(跟餐+$48) 招牌卷係鰻魚卷😛卷物內餡有玉子、牛油果、蟹柳及蟹籽！餡料好多又好紮實，飯唔會鬆散。鰻魚好滑口無骨，配埋鰻魚醬汁好香濃👍🏻 🔸日本九州手羽(兩本) $58 雞翼香脆可口，醃製得好入味！有灸燒味道，真係香好多😍 🔸雜錦天婦羅 $138 一碟包含左🎃南瓜、冬菇、🍤大蝦、🍆茄子、秋葵天婦羅。款款都咁脆口，好食😛 🔸巨峰乳酸雪糕特飲 $48 本來以為味道一般，有驚喜！ 巨峰味唔會好假同好淡，味道好出。配埋乳酸雪糕真係完美配搭，仲有兩層色，打卡亦都好靚。 跟餐甜品： 另一私隱度高座位： #CABLfoodreview 食物：⭐⭐⭐⭐⭐ 環境：⭐⭐⭐⭐⭐ 服務：⭐⭐⭐⭐⭐ （5星為滿分） 📍賀天 將軍澳唐俊街28號海天晉匯1樓 記得follow埋我IG & FB睇最新既食譜及食評 My Instagram:👩🏻🍳 https://www.instagram.com/cookandbakelady My Facebook: https://www.facebook.com/cookandbakeladyy 喜歡請比Like我既IG & FB💕 #hkfoodie #foodietaste #hkig #hkfood #hkfoodpic #foodstagram #foodiegram #foodiepic #foodporn #foodphoto #hkblogger #foodshare #japanesefood #dinner #omakase #tkofood #sushi #instafood #foodiehk #852food #吃貨人生 #晚餐 #食評分享 #日本菜 #餐廳 #食評 #將軍澳美食 #美食日記 #相機食先 #賀天
