晚市又停堂食啦 用心製作嘅餐廳真係要大力支持🥺 呢間餐廳嘅甜品非常吸引 款式好多 就連主食都非常好味😋 係大圍都有兩間分店 一睇到餐廳嘅日系木色配白色裝潢已經好鍾意 入到餐廳已經有好warm嘅感覺 想念日本嘅侘寂之美🥺 仲有塌塌米坐位 坐係到食飯好chill 雖然坐左好耐 但都無腳痺感覺 個坐墊非常舒適☺️ 欣賞呢間餐廳用心製作各款嘢食 下次再結伴去試多點甜品 餐廳依加仲有🚚外賣優惠🤞🏻 -小食- 🔸麻油柑橘沙拉 $88 d沙律菜好fresh好鮮甜，配埋麻油好夾。仲有大大舊鮮甜橙係沙律入面，真係健康之選。 🔸雞軟骨串 $58 佢嘅雞軟骨串好特別，有混合左豚肉入去。外層炸得香脆，咬落啖啖肉，配埋沙律醬減少油膩感！ -定食- 🔸味噌烤鮭魚定食 $118 +$30 (味噌湯+日式甜點+飲料) 平時自己整三文魚都係用香草海鹽多，今次試呢款味噌烤鮭魚好味到停唔到口。鮭魚個皮烤得好香脆，味噌入晒味仲有少少甜，帶出鮭魚鮮味。條魚一d都唔細條，仲烤到個熟度岩岩好，每啖食落口都好滑溜。加多$30仲有埋味噌湯+日式甜點+飲料。味噌湯有蜆一齊煮，好鮮甜。日式甜點係抺茶蕨餅，好煙韌。 🔸壽喜燒牛肉定食 $98 +$30 (味噌湯+日式甜點+飲料) 個壽喜燒汁好好味，一煲好豐富，有好多片牛肉、豆腐、大蔥、冬菇、芋絲，配埋落左飯素嘅珍珠飯一齊食最好。 -甜品- 🔸抺茶小丘 $58 作為抺茶控，一定要叫呢款。一般餐廳都會用小山園抹茶粉，呢間餐廳有驚喜，係用小倉嘅抹茶粉做，回甘味較濃，有淡淡嘅抺茶香氣，無咁甜。呢款外層三角用上mousse，中間有少少抺茶戚風蛋糕，底層有朱古力脆脆。 🔸焙茶小丘 $58 非常推薦呢款！個人覺得焙茶味非常出色。焙茶mousse好香濃，雖然係茶味，但唔會有苦澀味。中間都係有少少焙茶戚風蛋糕，底層有朱古力脆脆。 🔸焙茶抹茶白玉戚風✨期間限定✨ $69 呢款係聖誕時出嘅限定款，員工話賣埋呢幾日無啦。呢款係有兩層焙茶戚風蛋糕，中間夾有抹茶白玉，個面淋上香濃抹茶醬，仲有d脆脆珠係面。呢款可以滿足到同時想食焙茶、抹茶味蛋糕嘅朋友。抹茶白玉好Q軟，仲有淡淡嘅抹茶香氣。 -飲品- 🔸抺茶牛奶 $45 由於想飲抺茶牛奶，所以無揀到跟餐定食嘅指定飲品。杯抺茶牛奶拉花好靚，係隻海馬仔，好可愛。抺茶味好出，無苦澀味，配埋牛奶好香滑。 🔸巨峰奶蓋茶 $48 巨峰提子味好濃，先飲到面層芝士奶蓋，之後飲到甜甜嘅巨峰提子味，口感好rich！飲到底先驚覺原來杯野飲有好多剝左皮嘅巨峰提子係入面，起碼有6粒以上，所以咁重巨峰提子味，提子都好甜。非常推薦呢杯！ 環境真係好靚～好岩去chill翻一個下午 餐單： 點擊圖片放大 #CABLfoodreview 食物：⭐⭐⭐⭐⭐ 環境：⭐⭐⭐⭐⭐ 服務：⭐⭐⭐⭐⭐ （5星為滿分） 📍屋子 (將軍澳) 將軍澳唐俊街23號MONTEREY Place地下16號舖 記得follow埋我IG & FB睇最新既食譜及食評 My Instagram:👩🏻🍳 https://www.instagram.com/cookandbakelady My Facebook: https://www.facebook.com/cookandbakeladyy 喜歡請比Like我既IG & FB💕 #uchicoffee #hkfoodie #foodietaste #hkig #hkfood #hkfoodpic #foodstagram #foodiegram #hkcake #foodphoto #foodporn #hkblogger #foodshare #japanesefood #dinner #tkofood #foodiehk #cafe #852food #吃貨人生 #晚餐 #食評分享 #日本菜 #餐廳 #食評 #將軍澳美食 #美食日記 #相機食先 #甜品
