為左獎勵自己平日辛勞工作買左甜品治癒一下呢間位於屯門市廣場小店主打拿破崙蛋糕亦有雞蛋布甸店鋪拿破崙除左用新鮮水果亦用左日本原料製成鐘意食拿破崙嘅朋友絕對要試😋 🔸芒果拿破崙 $54呢件係店內人氣之選之一，外觀非常吸睛，造型好精緻，影相打卡一流。芒果非常鮮甜，完全唔酸，拿破崙酥皮有多層亦好鬆化，配埋輕盈細滑嘅吉士醬食好好味。一啖咬落去真係有幸福嘅感覺 🔸草莓拿破崙 $54另一款嘅人氣之選，同樣地酥皮鬆化，好有層次感，草莓亦都好甜好多汁，十分開胃。 拿破崙頂層仲有忌廉，令到口感變得更豐富。底部同樣鋪左草莓，真係好足料👍 🔸抹茶拿破崙 $58抹茶味嘅拿破崙蛋糕真係少見，身為抹茶控嘅我緊係要一試🤣有別於水果口味嘅拿破崙蛋糕，佢嘅吉士醬係加埋抹茶粉去調配，食落有淡淡嘅抹茶味，抹茶味唔會呈苦澀，配埋鬆化嘅酥皮食好正😍 🔸日式焦糖雞蛋布甸 $28雖然呢間鋪主打拿破崙蛋糕，不過呢款布甸一點都唔遜色。布甸非常滑溜， 奶味香濃，底層焦糖唔會太甜，同布甸好夾，好味到兩三啖就食完🤩 食物：⭐⭐⭐⭐環境：⭐⭐⭐⭐服務：⭐⭐⭐⭐（5星為滿分）📍Igatti (屯門)屯門屯順街1號屯門市廣場一期1樓Kiosk 6記得follow埋我IG & FB睇最新既食譜及食評My Instagram:👩🏻🍳https://www.instagram.com/cookandbakeladyMy Facebook:https://www.facebook.com/cookandbakeladyy喜歡請比Like我既IG & FB💕#CABLfoodreview #hkfoodie #foodietaste #hkig #hkfood #hkfoodpic #foodstagram #foodiegram #foodiepic #foodporn #foodpic #hkblogger #foodphoto #hkdessert #food #tuenmun #cake #instafood #foodiehk #852food #吃貨 #吃貨人生 #食評分享 #拿破崙 #食好西 #香港美食 #食評 #屯門美食 #美食日記 #相機食先
