呢排經過灣仔發現開左間中價位嘅🍣壽司店見Lunch都幾抵食就去左試下職員服務簡直超水準坐低已經好詳細咁介紹menu又會自動自覺加茶🍵令客人有賓至如歸嘅感覺餐廳有每日精選Menu可以留意一下當日有咩新鮮空運嘅食材我地叫左兩個Lunch Set仲有每日精選款款都好高質素 飽到捧住個肚走 🔸特上壽司盛合 $218呢個真係好抵食！呢到嘅壽司飯係用左omakase常見嘅赤醋米，所以呈淺啡色。盛合有拖羅卷、海膽卷、魚籽卷，每款卷物都裝到滿瀉。仲有吞拿魚、油甘魚、牡丹蝦、拖羅、帶子各一件。款款都咁正👍🏼點擊圖片放大 +2 🔸冷稻庭烏冬壽司定食 $128Lunch Set包左沙律及味噌湯。一飲覺得個味噌湯同平日餐廳飲到嘅好唔同，因為一般餐廳係用湯粉直接沖出。店員話佢地係用左味噌配紫菜煮成，而唔係用昆布，所以味道更香，又唔會太鹹。幼身稻庭烏冬非常嫩滑。有吞拿魚、油甘魚、甘蝦、拖羅、加洲卷及玉子燒。款款都咁新鮮👍🏼 🔸北海道喜之次壽司 $48呢款係每日精選，唔係日日都有。第一次試喜之次壽司，店員極力推介。果然無介紹錯，好甘香！由於表面 切出左坑紋，所以每咬一口， 喜之次嘅油脂爆發得更勁，配有刨左少量新鮮袖子粒係面，有陣陣袖子香氣好Fresh。喜之次表面亦有炙燒過，帶有炙燒香氣。 🔸三文魚壽司 $9覺得三文魚好肥美，追加左一件食☺️🔸北海道岩蠔 $48呢款係每日精選，唔係日日都有。岩蠔非常肥美，蠔嘅表面配有香蔥，加入少少檸檬汁，食落口既Fresh又鮮甜。 #CABLfoodreview食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️️⭐️⭐️（5星為滿分）📍Sushi Raku 鮨樂 (灣仔)灣仔新鴻基中心1樓記得follow埋我IG & FB睇最新既食譜及食評My Instagram:👩🏻🍳https://www.instagram.com/cookandbakeladyMy Facebook:https://www.facebook.com/cookandbakeladyy喜歡請比Like我既IG & FB💕#hkfoodie #foodietaste #hkig #hkfood #hkfoodpic #foodstagram #foodiegram #foodiepic #foodporn #foodpic #igdaily #foodphoto #lunch #foodshare #sushi #instafood #foodiehk #852food #吃貨人生 #食評分享 #日本菜 #食評 #灣仔美食 #美食日記 #相機食先
