觀塘有林林總總既食肆，對於有選擇困難症既我，要簡一間都唔係咁容易呀～今次就簡左間台灣菜～鍾意食台灣菜既朋友萬萬不能錯過呢間工廈小店呀！價錢抵，份量多，而且味道夠正宗！我係多次幫襯既回頭客呀！店內裝潢有點工業風，但坐位都幾舒適！唔會過分擠迫！我自己特別欣賞呢間餐廳既牛肉麵，非常好食！ -台式便當-紅燒牛肉便當 $65牛肉炆得非常入味，又淋又香濃！飯同牛肉既份量好多，而飯粒粒都有咬口，唔會過硬或過淋！仲配有酸菜，令到成碗飯更香！ -招牌系列-紅燒半筋半肉麵 $75台式牛肉麵既精髓在於牛肉同個湯底。牛肉炆到非常淋身，好嫩滑既口感，非常易咬。而牛肉已經吸入晒湯汁精華既濃郁香味 ！ 湯底好香好濃，配菜仲有蘿蔔、娃娃菜同酸菜，麵底仲可以轉刀削麵、新竹米粉或冬粉，份量都好多！ -特色小吃-炸鹽酥雞 $48薄薄沾有一層炸粉，做出外脆內軟既口感! 雞肉唔會因為高溫炸過而令到肉質偏乾！咬入去，雞肉都仲係嫩滑juicy！值得一讚呀! 鹽酥雞表面灑上香粉，好惹味！份量都係好多呀 -捲餅系列-起司肉鬆蛋捲餅 $39餅皮好Q軟煙韌，唔會好厚粉同硬身，而且蛋味香濃！配有滿瀉既肉鬆同溶化既芝士，每一啖都覺得口感豐富 Instagram好快又會搞Giveaway~請多多支持!💕My Instagram:👩🏻🍳https://www.instagram.com/cookandbakeladyMy Facebook:https://www.facebook.com/cookandbakeladyy
