其實我嘅月經一向都較準，雖然都會有經痛嘅情況，但早幾個月開始注意到經血量明顯增多，經痛亦都有加劇，下腹亦成日有壓迫感同埋尿頻，有時一個鐘要去幾次廁所，呢D徵兆慢慢令我感到不安，加上生完後亦再無定期去做婦科檢查，於是決定盡快睇婦科醫生。最後搵咗尖沙咀婦產科醫生，驗血報告話我有貧血，超聲波檢查亦發現左子宮原來有3粒肌瘤，其中一粒已經超過6cm同壓住膀胱。由於肌瘤尺寸較大，用藥物治療未必可以有效控制，所以建議做手術直接將佢切除。當刻我嘅心情非常複雜，一方面擔心手術嘅風險同後遺症；另一方面亦擔心唔做手術會影響自己日常生活同照顧小朋友，同老公傾完最後都決定盡快做手術，萬一有D乜事佢可以請假或者搵奶奶幫手。醫生建議可以用比較新嘅單孔微創腹腔鏡手術，相比起傳統腹腔鏡手術會有3到4個切口，單孔手術只會喺肚臍附近開一個孔，傷口會細好多同埋恢復得較快。手術做完後除咗有D腹脹，傷口都冇想像中咁痛，好快都可以落床正常活動，大慨兩個星期左右就復原，但之後都要定期觀察住會唔會再復發。今次經歷令我深刻體會到作為一個媽媽，雖然時刻會將家人同小朋友放喺第一位，但都要記得關注自己嘅身體狀況。發現有問題時要盡快積極面對同治療，先可以有能力去照顧身邊重要嘅人。
