兩個月前,同一個加拿大返港o既朋友遊山玩水,大約黃昏由尖沙咀海旁乘船去灣仔碼頭,再沿會展海旁一路行,諗住去金鐘海旁坐底,等到8:00pm睇激光show,但係我地企係會展望去金鐘海旁,已經有好多抓泥船泊係金鐘,心諗係o咼,政府要填海o黎疏導交通,記得某年同姊姊o係金鐘中信大廈對開海旁睇煙火,位置不知幾理想,好過文化中心有條天橋影響視線。之後我地都決定由會展繼續行去IFC,不過沿途沒有一處可以比我地坐坐抖抖,欣賞一下尖沙咀,行o左大半個鐘去到IFC口又渴腳又軟,o係IFC仲睇唔到激光show添~~!! 近日政府終於落實中環填海計劃方案,雖然呢個方案唔係得到太多認同,但係不論什麼方案都好,希望快D動工,快D完工,有多D休憩地方,比大家坐坐抖抖,欣賞一下維多利亞港 – 東方之珠。 維多利亞港 – 據說康樂大廈(現為怡和大廈) 是70年代中環最高建築物,而家只係建築物群中o既一幢。 中環皇后碼頭對開海旁 新中環天星碼頭 尖沙咀天星碼頭 – 政府有意把巴士總站搬離碼頭,使交化中心一帶列為行人專用區,到時尖沙咀又有一番新景象。