為藝術而偽術。。椰汁桂花糕。。配偽三文魚籽。。(偽三文魚籽用杞子整) 椰汁糕: 魚膠粉 一湯匙 糖 30 g(按個人喜好加減) 椰漿 150 ml 淡奶 100 ml 糖同魚膠粉撈勻..加入椰漿攪勻..用熱水坐溶...放涼後....加淡奶....攪勻後倒落模...放入雪櫃雪至凝固.. 凝固後..取出... 逐粒放入模內....放回雪櫃備用.. 桂花糕: 魚膠粉...兩湯匙 糖........六湯匙(按自己喜好加減) 水.....500ml 乾桂花....10g(按自己喜歡濃度加減) 將桂花洗淨..放入熱水焗十五分鐘...取出隔渣...糖同魚膠粉撈勻.. 加入桂花水中攪溶..(如果桂花水凍咗就要煮番熱..).. 桂花水放涼後...先倒少許桂花水落椰汁糕邊..放回雪櫃..雪至凝固..(目的係固定椰汁糕..如果一次倒晒..椰汁糕會浮面或周圍移動..做出來就唔靚仔)... 定形後..就可將桂花水加至過面....放入雪櫃雪至凝固... 仿魚籽: 杞子...10g 魚膠粉....一湯匙 糖..一茶匙..(可以不加) 滾水.....150ml 食用油....500ml(要用高身杯盛載) 先將油煮熟.....放涼後...放入冰格雪凍...備用... 杞子洗淨...加滾水焗十五分鐘...取出打蓉...隔渣.. 魚膠粉加糖撈勻...加入杞子水攪勻...用熱水坐溶...放涼... 取出凍油.....用針筒或滴管...注入杞子水..一滴滴...慢慢滴下... 隔去油份...用食用凍水清洗多次..去除油份.. 取出椰汁桂花糕...可放上桂花..或偽魚籽...
