今日熱撚到我係條街到，變左搖滾歌姬福頭老師，唱熱辣辣～熱辣辣～好熱好熱～ 下晝約左兩條麻甩去左上水新健街杜記食晏，午飯時間都幾多人，環境係okay既，係座位窄左D。我食左個椒鹽豬扒飯，豬扒夠鬆軟Juicy，我嫌佢略喊左少少，不過可能係我慣左清淡。至於，第二條麻甩叫左個有佢個頭咁大的鴛鴦飯，痴晒線，中學可以一日食30粒燒賣的佢，食左一半已經投降。味道方面，我唔知，我唔敢食佢口水尾，佢的分秘物是腐蝕性的。（後補：佢話「彭健新隻狗」啦） 落order的時候，我問佢有冇得配腐乳醬，佢話冇架，不過私人醒我少少，我望住佢的雙眼，我知佢覬覦我的美貌。 席間，落單姐姐不時過黎撘嗲，恥笑叫左鴛鴦飯的同伴，質疑佢的食量。我只可以不停重提朋友兒時的戰績，好讓佢好受一點。 杜記茶餐廳的老闆每星期都會煲愛心粥比D公公婆婆架，如果大家諗唔到食D咩既話，不妨去幫襯下啦！
