話說，當年阿叔去exchange，係不停走堂坐廉航住hostel咁去旅行。因為我唔洗tran credit，但係身邊D hallmate唔同，佢地睬我都有味，佢地做group project除左要做自己個part仲要做埋free rider個part（係外國讀書，遇到free rider 的 possibility 係100%）。咁最後，我就開始左成日自已一個去流浪的日子。 自己一個去旅行的最大好處就係，當你凌晨咁岩撞見平機票，你係可以毫不猶疑咁禁個submit制。你地自己諗下，有幾多個旅程，唔係因為你自己無時間，而係因為人地唔得閒而胎死腹中？其實好撚無謂，想去就去，講咁多做咩。之後，Book Hostel呀plan行程呀，你會好順利，因為你唔洗就依個又就個個，唔洗理呀A君有潔癖要住酒店呀，呀連C君鍾意shopping唔鍾意睇博物館呀呢樣個樣blahblahblah。 自己一個人窮遊，我通常都係住hostel，當無人同你一齊，你係會好自然自動自覺咁R下同房呀lounge隔離檯D人傾計，又可以識下新朋友，又可以聽下人地的故事。行景點，你鍾意行幾耐就幾耐，見到岩心水的舖頭你行足一日都無人理你。 咁當然啦，自己去都有自己去的慘慘既。好似影相無人幫你影呀，見到好靚的景色無人係隔離開心share呀，叫野食唔可以叫咁多呀等等啦。仲有，女仔如果自己一個人去既話，最好就住female dorm，唔好住mixed dorm啦，比多少少錢但係安全D呀嘛。至於，couchsurfing同埋airbnb就算啦好嘛。仲有，自己一個人唔好成日dup低頭行，亦都要小心自己的財物，遇到咩事唔好怯，去前搵定當地的求救電話等等。 做足準備，踏出第一步，你會發覺去旅行其實唔難。
