聽日就可以番香港啦。。。好開心呀！！ 雖然英國嘅假期的確無咩功課，但放完假之後我有數學a-level 考試，要係假期狂操卷，諗起都想喊。當然啦，點都比唔上dse 考生嘅辛苦，如果我唔係嚟咗英國，而家都應該考緊dse。我留係香港嘅話，未必會想入大學，甚至唔想讀書。喺呢度讀咗2年，老師嘅鼓勵會令你更有動力行落去。為咗自己心儀嘅大學，每個人都好努力，肯讀一定可以攞高分。點解？因為英國d 試卷出題形式大致相同，肯做就得，邊似得香港，年年都陰d學生。 我中學嘅時候，有位中文老師成日都將「死讀書，讀死書，讀書死」怪係口邊。佢希望我哋真係明白果d知識，而唔係硬塞落我哋腦，所以佢會講好多背景資料，唔同嘅小故事，好多時候落堂都未講到課文，但可以睇得出我哋呢班學生其實好enjoy。好可惜，有好多家長認為佢嘅教法會令到自己小朋友攞唔到高分就投訴佢，最後佢被退休咗。我仲好記得，佢最後一日參加assembly，全校學生企係到拍手掌，甚至有師姐喊。 講咗咁大段故，係想話，香港地有個好老師真係好難，尤其喺官校，或者係因為學校無好好咁去保護佢哋，或者係因為教育制度，或者係因為扭曲咗嘅社會價值觀。。。無論香港變成點，佢都係我哋屋企，未來嘅路會越來越難行，但只要相信自己，相信希望，香港一定可以變番同以前一樣架啫，係唔係呀，哈姆太郎！ 我和殭屍有個約會裡面，馬小玲爸爸講過，「信就一定得，唔信就一定唔得！」(差唔多） 最後，各位應屆考生， 學熊仔頭話齋「 未考前，就要記住，考唔到就世界末日架啦；考完咯，就要諗，考唔到又唔會世界末日嘅。」 各位DSE考生，加油！ ps。篇嘢有d 9唔搭8，sorry。
