今次同大家分享蛋撻新貴自費試食食評,都係位於銅鑼灣嘅西式餅店蛋撻｡仲要係幾間舖位之隔,如果想一次過試曬兩間係非常方便｡舖頭裝潢方面,Hashtag B走簡約風為主,舖頭地方相對亦都細一啲｡Bread of life走歐式風格為主,舖頭地方亦都大啲,餅櫃亦都相對地比較打卡一啲｡價錢方面的焦糖蛋撻$18一個,Bread of life則是$17一個｡單純價錢睇嘅話可能會覺得後者會比較平抵啲,但係如果按返蛋撻嘅份量､大小及味道各方面去計算嘅話,Hashtag B嘅出品無論蛋味､酥皮層次、鬆脆各方面都較後者出色｡Hashtag B 蛋撻外型,就算拎到返屋企同人分享,仍連保留到喺舖頭買嘅時候狀況｡Bread of life即有少少散散地，亦略嫌蛋味唔算太出色。所以我覺得如果要再買嚟食嘅話我都會選擇前者多一啲｡無論蛋撻嘅色澤､外型賣相,又或者店員嘅服務態度,都係前者俾消費者感覺好一啲｡點擊圖片放大 +2 同樣買兩個蛋撻,Hashtag B嘅包裝會係一個蛋撻一個紙袋,而且蛋撻有紙托托住｡相反Bread of life嘅蛋撻既無紙托又冇分開兩個蛋撻包好｡雖然唔係話一定分開裝或有紙托就一定好啲｡但這類食品畢竟外賣為主,又比較妥當嘅包裝似乎更為細心｡而且十幾蚊一個蛋撻真係唔算平,唔會次次都買夠用盒裝嘅數量｡ 後者嘅店員態度俾人一種不太禮貌嘅感覺,好似唔想你幫襯咁｡以十幾蚊一個蛋撻嚟講,消費者除咗係食蛋撻嘅味道之餘,舖頭嘅服務或整體感覺對於消費者會唔會再回購都佔一個非常重要嘅因素｡點擊圖片放大 +3 Hashtag BShop F, 寶榮大廈67 Lee Garden Rd, Causeway Bay價錢:$18/pc用餐日期 : 2025-2-2味道:⭐⭐⭐⭐ (5星為最滿意) 環境:⭐⭐⭐服務:⭐⭐⭐性價比 :⭐⭐⭐Bread of LifeG及H號舖, 49-51號 Lee Garden Rd, Causeway Bay價錢:$17/pc用餐日期 : 2025-2-2味道:⭐⭐ ⭐ (5星為最滿意) 環境:⭐⭐⭐⭐服務:⭐⭐性價比 :⭐⭐
