之前都有去CAFÉ RENAISSANCE食過早餐同午餐既自助餐，款式、味道質素同服務都唔錯。今次見到有『泰。賞。食』自助餐嘉年華就當然要去試下啦!環境同服務大致相約，食物就真係要睇下先知。講起泰國菜，唔知大家又會諗起d咩呢。除左椰青，我就諗到炸蝦餅喇! 好可惜我以為係炸蝦餅既食物原來只係炸魚柳。不過其他菜式款式尚算不錯。另一樣我好期待既就係串燒，但唔知係咪醃料問題，我就算加左沙嗲醬都覺得酸酸地，而菠蘿又帶少少辣，可能因為係同一塊板到燒既關係。點擊圖片放大 +6 甜品種類相當多，而且都有滿滿既泰國色彩，例如彩虹糕千層糕、椰青大菜糕等等。相比之下，冷盤和甜品都比較主菜更為出色。而且份量唔太，所以可以試多幾款。最驚喜既係雪糕有別一般自助餐既H字頭或M字頭品牌杯裝雪糕，今次係XTC既出品，平時都相對少見到或會買返屋企食既。 點擊圖片放大 話需部份食物有D失望，但今時今日香港既物價指數以呢個價錢黎講，都算交足功課啦。
