奉行簡約主義既筆者其實好少化妝，所以化妝技術並無太大既進步。年度之約，又係時候同閨密朋友影靚相，食返個打卡無難度、港女至愛既AFTERNOON TEA SET啦! 去得打卡影相，咁就當然要化妝啦!! 點知早幾日下巴生左大大粒瘡，唯有用暗瘡貼貼左先再上妝。突兀都無辦法，因為我唔想粒瘡繼續大爆發，唯有事後用apps P走去。 今日既行程係先去半山區(Mid-Levels) 既孫中山紀念館影下相，大館都去過幾次所以閨密話唔去啦~我地約左係香港站等，路程雖然只係十多分鐘，但天氣真係太熱，所以我地都係決定搭小巴上去孫中山紀念館影相。點擊圖片放大 +3 孫中山紀念館展覽區域係禁止攝影既，不過其他地方都夠影相打卡既~ 影完之後，我地就去左THE MURRAY準備食afternoon tea set啦!朋友記錯左以為個TEA SET 係15:00開始，原來係15:30先開始。所以waitress就帶左我地出室外既rooftop area 稍等，提我地差不多時間先入返去排隊，等候安排入座。 如果天氣好的話，rooftop area影相會好靚，但我地果日天陰陰之餘又多蚊~終於等到入座啦! 本身都預左Afternoon Tea Set都係打卡為主，食物質素要求或期望唔會太髙。環境、服務真心到位既，但裝scone spread既碟仔竟然咁污糟真係始料不及，始終Popinjays既檔次同屋企樓下茶餐廳點都有段差距吧! 呢一點真心唔太接受到。食物方面，無話邊款特別出色又或者係唔好食，氣泡酒會係最打卡既一個單品。想知Afternoon Tea Set有咩食，可以睇下以下相片或短片:點擊圖片放大 +12 食完Afternoon Tea Set之後，當然要去人人都打卡既THE MURRAY到影相啦! 當日係星期六，好彩都無想像中咁多人，總算叫做影到D打卡相。 總算完成左當日SET左既目標，算係完美既一日~
