好耐無食過燒肉啦! 因為食量唔大,所以唔想食放題,一來好難食得回本,二來純個人偏見🙃 — 總覺得放題好難食到靚既肉。終於約到朋友去一齊去試燒肉801啦~ 因為普遍食評都話佢既質素唔錯既,最重要係價錢唔算貴(有d人可能覺得好平添🤣)。純音樂版旁白版 我地係某平台到預約左先既,可能抵達時間尚早,店內人流唔多,而且環境唔錯,裝潢就係平民版既日式燒肉店,就算坐到餐廳較裡面既位置都唔會有一大陣油煙味,而且檯面同座位都好乾爽整潔,感覺大致良好👍🏻。202 鹽味牛舌($78) 我地點左一碟牛舌,共五片。本身唔食牛舌既我都接受到,可能就好似好鍾意食牛舌既朋友所講,呢碟牛舌太薄,無咩食緊牛舌既感覺,要厚身先食到牛舌既質感咁話😂。206 特上牛胸腹肉 - 汁燒 ($98)點擊圖片放大 我地另外點左一碟特上牛胸腹肉,共四片。外層燒到有少少焦香,裡面既肉就仍然嫩滑,口感豐富。而且本身醃製既燒汁惹味之餘又唔會過於濃味,仍然嚐到牛肉既味道❤️。讚!802楽盛り150G + 追加米飯SET ($133 + $25)點擊圖片放大 +4 為左可以試埋豬肉同雞肉,我地就點左一個802楽盛り150G,另外追加左米飯SET。雞肉燒耐左肉質仍然嫩滑,唔太濃味既,少少焦香更添風味。豚肉味道不錯,但係唔知係咪燒耐左所以韌左d。牛肉味道質感其實ok既,但因為食左另外兩款牛,所以就覺得差少少🙂。102 極上厚切牛胸腹柳-汁燒 ($138) 極上厚切牛胸腹柳係今日最最最鍾意食、亦都係最好食既一碟牛呀😍! 份量大大一片,單係睇住係爐上面燒已經係一種享受,望住塊肉由紅色慢慢燒到焦香、過程中燒到既吱吱聲,同燒肉時渗出既油香,已經令人食指大動🤤。 幸福既味道原來就係咁~ 望住就已經好想食啦! 雖然未至於入口溶化,但就每一啖都勁juicy、勁多肉汁🤭! 就咁睇可能以為出面燒到燶燶地,但其實裡面仍然滑嫩多汁,真係估佢唔到! 好彩有白飯相配,咁就可以一滴不漏咁食曬呢碟牛喇! 連d汁都唔可能放過😝~ 另外,我地入座時檯上面已擺左兩碟醬汁,感覺就唔太理想😣。因為望到其他未有人入座既檯都係一樣,如果入落樽到,比客人自己倒係碟仔到,又或者入座時先拎上檯會好d。 如果menu上面可以有更多唔同部位既牛肉就更加多個原因再幫襯~點擊圖片放大 +7 ❤️ stay tuned for YouTube upcoming ❤️