我地本身好想租酒店果間有私人泳池的頂層泳池套房架😍…不過說實在,對於普通打工仔既我地黎講真係有D貴囉🙃~ 所謂民以食為天,超豪STAYCATION同裹腹之間,我地選擇左後者😆🤣。所以我地最後都係BOOK左一間海景客房,一間卡通主題客房;然後再試埋酒店 LIGHTHOUSE CAFÉ既早、午、晚餐BUFFET🥗🍝🍱🥙🍔🥞🧇🥐。點擊圖片放大 如果搭的士🚕或者自己揸車🚗的話,可以係CHECK-IN果層落車既。如果搭地鐵去到海洋公園站會有穿梭巴士接送既,但就要留意時間表,視乎係咪繁忙時段,大概十五分鐘至半個鐘先有一班車既。點擊圖片放大 +4 原本我地係訂左兩間客房既,咁CHECK-IN時職員問我地會唔會UPGRADE其中一間客房做BABYSHARK主題既客房,因為同行既有小朋友所以我地就選擇左UPGRADE喇~點擊圖片放大 +2 Check-in完我地就去開箱無敵海景既客房先 😘 一打開房門就見到個落地大玻璃靚海景,感覺開揚。洗手間同淋浴間雖然唔算好大,但空間感都算合格。離開洗手間淋浴間位置就係一個小型梳妝或辦公檯,旁邊係小小既mini bar☕️🍸🥃🍺🍷🥂本身訂既客房要一張大床既,但係因為我地想要connecting room,咁就唯有要twin bed房啦~估唔到既係,就算擺左兩張床,仍然覺得間房好闊落喎😆 最最最重要既係房內既照明系統都非常足夠 💡 而且分左好幾組,晚間時分想柔和d可以只開天花燈槽、床頭燈或閱讀燈👍🏻 因為試過住一啲酒店,成間房既燈開曬仍然感覺灰濛濛,特別係陰陰天既時候問題就更加明顯。好在富麗敦海洋公園酒店客房無呢個問題😃比多左個原因我地再encore 🤣點擊圖片放大 +2 事不宜遲,再睇埋Baby Shark既客房先❤️ 首先房門就已經貼有Baby Shark 既貼紙啦!小朋友未開門既時候,佢地心心眼既眼神已經出賣左佢地興奮既心情啦😆 一打開房門就見到落地大玻璃貼滿Baby Shark貼紙之餘又無阻擋到個無敵海景。梳化仲要有大大隻Baby Shark🦈 公仔,小朋友當然興奮無比啦🤣 寢具套裝都係Baby Shark既,令到成間客房𣊬間變得生氣勃勃,歡樂氣氛洋溢~淋浴間除左馬桶房仔無Baby Shark,浴室裡裡外外都被Baby Shark包圍住。對大人黎講最最最重要當然係upgrade左之後有個浴缸喇!始終香港唔係好多家庭會有浴缸🛁既🙂遇岩天氣不似預期,即係好似我地咁🙃小朋友扭計要游水,都起碼有個浴缸比佢浸下水😂點擊圖片放大 +11 基本客房都包左一節比一大一小住客去 The Explorers 幫小朋友放電既~ 一節時間共45分鐘,如果想加時再玩,可以另外比錢既🙂但其實玩完一節之後,大人小朋友應該都放曬電了🤣🤣🤣點擊圖片放大 +2 體力勞動完,當然講返食先啦!我地試曬酒店Lighthouse Café 既Breakfast Buffet 、Lunch Buffet、Dinner Buffet。早餐用膳時間得一個鐘,對於想好好享受一下既筆者黎講,略嫌真係短左d,畢竟又要行出行入去拎野食,然後又會心大心細想試邊款先。最重要係唔係狼吞虎嚥既話根本無可能試到大部分既菜式⋯⋯基本上,筆者只係試到或者食到三份一既餐點而已。同級數既酒店早餐buffet會包一杯餐飲,呢到都有,但係佢地提供既咖啡只係一大壺咁加比你,仲要壺奶一早擺左檯面上,感覺有點哪個🙃 再加上無鮮榨果汁,感覺比呢個價錢,回報質量實在有點不足~《講多無謂,睇相/睇片最實際》點擊圖片放大 +28 *** *** ***Lunch Buffet時間相對充裕好多,而且款式、種類都算多,加上刺身、海鮮類都有唔少選擇,感覺不錯。甜品方面琳瑯滿目,有早餐、晚餐無既雞蛋仔,岩小朋友食之餘,又可勾起同行大人既兒時回憶。總括而言,Lunch Buffet性價比最高👍🏻 《講多無謂,睇相/睇片最實際》點擊圖片放大 +19 *** *** ***Dinner Buffet 性價比無Lunch Buffet咁好,始終兩者佳餚既分別寥寥可數。多左既片皮鴨著實唔出色、油甘魚刺身可能係其中最大既分別。《講多無謂,睇相/睇片最實際》點擊圖片放大 +3 大吃大喝後,當然要去健身房做返d運動先啦!呢到既器材種類都好多,大部分都有觸控螢幕,夠曬先進!空間感十足,筆者可能早去,所以以當時無咩人。純粹參考資訊:健身房係廿四小時開放,22:00之後就多左其他住客使用。點擊圖片放大 +11 夜晚食飽飽,如果大家唔想去健身房,可以去Lighthouse Café 餐廳出面、又或者酒店shuttle bus份口果層附近行下。無論一家大細、定情侶或者閨蜜都非常適合,既可打卡,又可散步感受一下海邊漫步的渡假風。點擊圖片放大 +8 本身好想去無邊際泳池打卡,明明早幾個禮拜都好好天,偏偏我地入住就巧遇紅雨黃雨加雷暴,無得游水😮💨 從好方面諗既係,比多個籍口我地再來一次🤣點擊圖片放大 +2 如果你唔想睇咁多字,又覺得睇片追字幕太煩,可以click入以下同行友人Jennyckljapan既介紹架😘