位置: 西展廳、展演空間、地下大堂、光庭、潛空間票價正價門票：港幣240元由於沒有細閱資料，結果要比每個鐘收費HK$5.00的儲物櫃去儲放不準帶入展館既背囊。收費其實算係合理，但我個背囊其實好細，始終背囊就係背囊，不能豁免~ 令人費解既係，一d參觀者既布袋、手袋仲大過我個背囊，卻可以帶入展館，究竟係咩邏輯黎既呢? 如果單純影相打卡，相信都唔會失望既，因為總有一兩個位係可以比你影靚相，打下卡。由入場起計只有兩個鐘既時間，究竟夠唔夠時間睇曬呢？好啦～ 發完牢騷，即刻睇下相先！點擊圖片放大 +3 以草間彌生既招牌圓點畫作拉開展覽序幕，每幅畫作、相同既波點卻藉著不同既用色、構圖帶出不同既意識形態、傳遞不一樣既訊息。點擊圖片放大 展館裡面有部分唔適合小朋友或青少年欣賞既展品，都會稍為分隔開，並會有警告標示。 終於見到南瓜啦！ 不過係迷你版……好戲在後頭，我估一定係，除非唔係。點擊圖片放大 +5 原本諗唔比背囊入展館內，可能係驚參觀者會唔小心撞到d展品，但睇左成個展覽，其實唔存在呢個問題。再加上本身期望展品會有較多雕塑類，但實際上係平面畫作與雕塑係７:３之比; 難免有點失望。再加上我藝術既觸角實在太低，著重於展品數量大於質量，結果覺得整個展覽的VALUE FOR MONEY著實有點不足。點擊圖片放大 相比上方既展品，我對以下既展品其實更感興趣:點擊圖片放大 西展廳既展品或者較適合藝術修為較高既參觀者，自問膚淺既我，一個鐘唔洗都已經足夠欣賞完畢了。值得一提係有可自行選擇既聲音導賞，如果有計劃展覽完結前去睇下既話，最好就帶/用headset聆聽，咁就唔會影響到其他參觀者。(因為參觀其間，部分參觀者可能唔記得帶headset結果大家一齊聽)整個展覽作品涵蓋繪畫、雕塑、流動影像和大型裝置等等，種類繁多。潛空間會對於好似筆者鍾愛打卡既較為吸引。點擊圖片放大 +2 排左30分鐘左右，你有15秒既時間~ 自拍不良既筆者無謂顯醜了~ 唯一建議係入到去就不要想太多(不過都唔到你選擇)，就是影、影、影，總有一張OK掛~睇完整個展覽後，查找到自己既不足之處，所以2023年我會多點參觀展覽，期望稍稍為自己身上加一點/培養到一點點氣質，看來真的有很大的苦功要下了! 如果你好似筆者咁，一心係想同南瓜影相，其實係大堂到就會見到兩個南瓜。重點係呢兩個南瓜唔洗入場費都影到既!! 但人太多，比D耐性總可以影到同南瓜合照既。我就無等，因為趕去影日落~ 註: 其實仲有好多展品我無影到，一來想細心觀賞，二來部分始於不太合適張貼於OPEN SOURCE既平台上，縱然未必多人會睇到。
