旅行散心、放空、充電…呢幾年都看似遙不可及！所以熱愛旅行既香港人興起一股staycation 熱流🤣 本身無諗過會staycation既我們…竟然去左好多次staycation 🤣點擊圖片放大 +2 今次介紹既係 #黃竹坑 既 #工業風 酒店 ～ The Arca。位置鄰近黃竹坑站，出閘後不用十分鐘記可抵達酒店，而酒店環境裝潢較新穎。值得一提既係酒店係寵物友善酒店，所以對寵物毛髮或氣味敏感既住客要留意呢一點。而我記憶中好似無寵物專用𨋢，如果係就要改善呢一點，即使住客知道係寵物友善酒店，但失驚無神突然有隻巨形毛孩衝入𨋢個心始終會離一離～點擊圖片放大 好啦～講返最值得打卡既打卡位先 — 天台泳池！唔識游水既都唔洗擔心，因為一般成年人都可以企到係泳池中心影相打卡。如果再配上完美天氣，即係藍天白雲、靚靚日落～咁就可以影到無敵igable 既相啦！點擊圖片放大 至於餐廳方面，因為我地外賣上房食，所以沒有多影相。鄰近有好多食肆，但要注意營業時間，始終係做寫字樓上班族生意為主。但其實酒店既餐飲價格亦算合理，如果想餐廳用膳，其實亦係一個唔錯既選擇。
