第三日 | Hotel Beach • Bali Collection 瞓到黃朝百晏十點鐘起身食早餐 然後極度休閒咁去游水 首先去咗酒店本身嘅游泳池 我只係去曬太陽無游水 (游水依啲嘢 對我嚟講實在太操勞啦hahaa) 係沙灘椅度 乾煎 乾煎 再乾煎 其實天氣真係好好 太陽好猛但有微風吹過 啲風仲要唔係悶熱個種風!!! 爸爸同妹妹游咗一陣水 然後我地就行去沙灘啦 由游泳池行去沙灘只係幾步路 雖然唔係沙幼 但極度水清 沙灘本身有足夠嘅太陽椅 但一啲都唔密 坐得好舒服 然後 我又再曬咗陣 跟住就同湯倩瀅玩堆-沙-同埋執-石-仔!!!! 結果 係沙灘逗留三個鐘既代價就係SUNBURNT hahaa 大概四點嘅時候 我哋就返左房沖涼 然後去搵野食 順帶一提 我發現執完房之後 我嘅頂夾竟然排好埋 Hotel housekeeper 實在太細心lahh!! 我哋搭酒店嘅shuttle bus去到Bali Collection Bali Collection有好多店舖同餐廳 但因為都係渡假區入面 所以價錢會比出面貴少少 落車嘅area係lobby A 搭回程shutte返酒店就要去lobby B 要穿過SOGO先去到gahh 然後我同tsy因為極度肚餓嘅關係 已經忍唔住沖左去買gelato食啦 峇里既gelato唔使$10hkd已經有交易 雖然冇想像中咁creamy但我都依然鐘意weeheeeee :p Coco Supermarket hahahaa 跟住我哋就去咗Frangipani Bali享用晚餐 比起前一晚食雪藏海鮮餐廳 呢度實在好味好多同埋價錢相宜 點擊圖片放大 +5 食完嘅時間仲啱啱可以睇到彩霞tim 然後就到我同阿妹同媽咪shopping嘅時間啊 我知道daddy實在係比錢同等到好無奈hahaa 竟然比我係度見到new look!!! 之前係ASOS一直有留意呢個品牌 因為好平hahaa 但香港就冇佢嘅分店 所以我見到依到有就即刻衝左入去啦 NEW LOOK 我地原本諗住搭八點嘅shuttle bus 原來佢係八點半 唔係八點 於是我地就決定入去SOGO到行一陣 點知 一去無回頭 結果 係搭尾班車返酒店嘅 Bali Collection既SOGO有啲香港冇嘅品牌又或者多啲款 例如 Sperry Top-Sider有多啲款 Hush Puppies都平過係香港買 結果 無論係daddy定mammy定我定tsy都瘋狂購物hahhaaha 滿載而歸之後我地就返左酒店休息啦 點擊圖片放大 +2 Related blog posts: 酒店 | Sofitel Beach Resort 觀光 | GWK • Pura Uluwatu • Tanah Lot 海神廟 購物 | Kuta Square • Jl. Legian
