第二日 | GWK • Pura Uluwatu • Tanah Lot 海神廟 今日大概九點幾起身 然後係酒店食breakfast buffet yeahhh 同dinner buffet一樣 有好多唔同種類同國家嘅食物 基本上我每朝早都係叫廚師整scrambled egg hahaa 然後夾其他食物扮哂All Day Breakfast 咁 Self-made All Day Breakfast hahahaa Cereal and Yogurt Latte 然後 我地就係酒店度行咗陣 好近食早餐嘅地方 經過游泳池已經去到沙灘 點擊圖片放大 +4 因為佢係beach resort 所以沙灘都係private beach 仲要無乜人yeahhh 雖然峇里正值雨季 但去嘅五日都冇落雨 雖然有少少灰色雲 但太陽好光猛仲有少少涼風tim 然後就要出發去sightseeing啦 今日嘅行程係先去GWK睇巨型雕像 再去Uluwatu參觀位於懸崖既廟 最後一站就係去海神廟到睇日落啦 今次嘅旅行 主要交通工具都係 - 的士 haha 我地係酒店嘅front desk call左一部的士 通常經酒店搵嘅都會係Blue Bird Taxi 司機都會係着住淺藍色制服 而且大部分都會識講英文 只有佢地先可以係南部度假區出入 車入面通常都會有一張景點簡介 如果你唔識讀個景點名就可以直接指俾佢睇 另外一種的士車身係銀灰色就係由本地人經營嘅 好好彩咁岩我哋call嘅的士司機好好人 佢係第一日陪着我地十個鐘 係我地參觀景點嘅時候 佢會等我哋 但當然咪錶會照跳 而永遠當我哋需要佢嘅時候 佢都會好快咁樣彈出嚟 第一站 - Garuda Wisnu Kencana Culture Park (GWK) Address: Jl. Raya Uluwatu, Ungasan, Kuta Seletan Badung, Bali Opening hours: 0800 - 2200 Fee: 50,000Rp Website: gwk-culturalpark.com Garuda係指神鷹 而Wisnu Kencana就係指環境保護神 所以都可以係文化公園入面會見到依兩個雕像 一入都係文化公園見到有個theatre 佢有定時嘅民族表演 你一入到去嘅時候可以問吓當地嘅人幾點有表演 但我就因為時間緊迫所以冇留低睇 只係同表演者影相 Garuda Wisnu Kencana 睇完雕像之後會返番去入口嘅位置 個到有啲小食店 我哋就叫咗兩個young coconut同埋一杯雪糕 Young coconut比起我哋平時飲既椰青冇咁甜 而且大個好多 但我覺得一啲都唔好飲hahaa 雪糕係鴛鴦雪糕 有朱古力同埋vanilla味 我哋食完野之後行番出去 的士司機已經準備好車我地去第二個景點啦 第二站 Pura Uluwatu Address: Uluwatu, Bali Opening hours: 0800-1900 Fee: 3,000Rp, sarong included 第二站就係要去睇懸崖上既廟啦 入廟嘅時候佢會比一條黃色嘅腰帶你戴上 但如果你着緊短裙或短褲 佢就會比一件衫紫色沙龍你圍住 this oneee! 嗰度有好多猴子 有好多人會賣花生同香蕉 可以餵佢地 其實係懸崖上睇日落都係唔錯嘅選擇 但因為我哋已經plan左去海神廟睇日落 所以好快就離開啦 第三站 海神廟Tanah Lot Bali日落時間大概係六點八 建議可以早啲去影相同埋周圍行吓 我地原本諗住五點到達 但點知塞車塞左兩個鐘 好彩最終都趕得切睇日落 但當日比較多雲 所以一路都冇想像中咁靚 其間有件小插曲 就係tsy唔見左電話 佢仲sad緊因為入面有好多我嘅靚相 睇完日落之後 我哋就去咗附近嘅seafood restaurant食海鮮 黃昏嘅時候的而且確係好好風景 可以一邊欣賞彩霞 一邊享用晚餐 好可惜隔咗一陣個天已經黑晒 然後就會變咗dine in the dark hahaaa 其實可以選擇坐indoor 就唔使驚啦 但係好可惜好可惜 佢雖然係seafood restaurant 但佢啲seafood竟然係雪藏gahhhh!!!!!!!!! 點擊圖片放大 +3 Bali Suntan - Balinese alcohols (Arak) and cola 就係咁第二日就完左啦 成日搭咗六個鐘頭車 基本上一日已經chur晒成個trip既景點啦haha 本來諗住係第四日嘅時候去Ubud參觀其他景點 但因為實在太驚要搭咁耐車 所以放棄左 Related blog posts: 酒店 | Sofitel Beach Resort 購物 | Kuta Square • Jl. Legian Nusa Dua | Private Beach • Bali Collection
