旺角 Mong Kok | 行程: 點點心點心專門店 (通菜街) > HeSheEat (白布街) > 行街 (花園街 > 通菜街 >西洋菜南街) > 影黑白相(西洋菜南街) 有時候 朋友 就係會同你做一啲 你自己一個人唔 會 做 既 事 一齊係旺角影黑白相 一齊食好味既點心同甜品 然後不停影相 一齊膽粗粗去人哋鋪頭借marker 一齊係旺角街頭避煙頭 搵人幫手揸機影相 一齊意圖講價但因為條友太串 所以買完急急腳走人 好無聊但又好似幾開心喎 話說今日三點鐘落堂 其實上堂時候 已經好好把握時間open rice hahaa 決定試吓點點心點心專門店 點點心點心專門店 dimdimsum dimsim specialty store: 旺角通菜街112號 其實去到嘅時候感覺似去左添好運 佢仲有$28下午茶餐 好吸引! 因為我哋有其他點心想試 所以就散叫 叫咗四個點心 | 蝦餃 | 黑松露小籠包 | 真係菠蘿包 | 金沙豬仔包 蝦餃其實麻麻地 蝦餃皮有啲厚同黏 小籠包一夾上黎啲湯就流晒出黎 同埋其實我係食唔到黑松露嘅味 hahaaa 真係菠蘿包 真係有菠蘿係入面 加埋奶皇 好香 仲要熱辣辣 好好味!!! 金沙豬仔包 其實係流沙奶皇包 雖然未去到爆奶皇既地步 但奶皇都仲係流沙嘅 食完野諗住周圍行下消化下 點知又想食甜野 aiii 然後就去HeSheEat 唔睇地圖都唔發現 原來係旺角既染布房街隔離又有黑布街 又有白布街 HeSheEat: 旺角白布街22號 鋪頭有兩層 好鍾意佢嘅室內裝修 柚子香橙凍 <雜莓鮮忌廉+乳酪雪葩> Yuzu gelee served with berry compote, cream chantilly and yogurt sorbet 成個甜品都好fresh! 尤其係個sorbet mix埋好好味! 草莓拿破崙 <吉士忌廉+草莓雪糕> Strawberry Napoleon served with custard and strawberry ice cream 食野之後我哋就沿住花園街行返出去亞皆老街 再行晒成條通菜街然後行埋西洋菜南街 呢度睇下玩下咁 身為一個香港人但就未試過係香港街頭咁樣影相 雖然只係係度行 但都好開心 每乜嘢都可以笑一餐 最後仲影埋黑白相 Instant 20: 西洋菜南街 (Bossini 對出) 朋友 就係會同你做一啲 你自己一個人唔 會 做 既事 就係會同你做一啲 好 無 聊 但又好似 幾 開 心 既事
