南丫島 Lamma Island | 行程: 自拍 > B‧B 海景餐廳 Just Green > 香草原Herboland > Shelly Cake Express 話說我有個好wuddud既朋友lolo 三年前我地講過 要係兩年內完成香港周圍遊既計劃 要去晒咁多個港鐵站有特色既地方 要寫xanga 記低所有去過既地方 結果 係失敗咗嘅 老土啲咁講 有心唔怕遲 依家寫咪一樣 唔通等到八十歲手震震先黎寫blog咩 天氣非常好 就好似以前我哋周圍去咁 其實真係冇planning hahahaa 一落船周圍行 然後見到幅牆幾靚 就係嗰度用咗半個鐘自拍 然後肚餓就去食個lunch B‧B 海景餐廳 BB Seaview Restaurant: 南丫島榕樹灣大街22號地下 餐廳環境幾好 有室內都有室外area 叫咗個意粉同埋fish&chips 但食物質素一般 食完野又周圍行 嗰日嘅天氣真係好好 然後行到去Just Green Just Green:南丫島榕樹灣大街 75 號/ 南丫島榕樹灣大街 92 號 入面有好多organic tea同小食賣 亦有室內座位同室外area 好似cafe咁 室外area 食完野又繼續行 Open rice見到有herboland 跟住就諗住行去飲個花茶 行呀行 行咗半個鐘 終於到喇 香草原Herboland: 南丫島榕樹灣洪聖爺灣泳灘側 點知.. 無開 (laugh-cry) 然後又用半個鐘行番出去 途經shelly cake express Shelly Cake Express: 南丫島榕樹灣後街21號地下C舖 Order咗個西柚芝士餅同lavender tea 睇鋪既係店主嘅媽媽 我諗佢應該係唔識得沖lavender tea然後直接將薰衣草溝水比我地 就係咁 南丫島之旅就完成左
