泰國 • 曼谷 | 行程: 篤篤 > 參觀寺廟 > 食海鮮 第三日 我哋又輕鬆九點起身係酒店食早餐 然後番房休息一陣haha 從來同爸爸媽媽去旅行都唔會太早起 既然係自由行 而唔係旅行團 緊係希望可以好舒服咁樣享受旅程 唔使唔使趕頭趕尾咁!! 我哋今日就決定咗坐泰國成日見到嘅篤篤 (tuk tuk)! 雖然同行四個人 但都可以勉強照上車 (下圖: 其中一人坐地下) Tuk tuk 坐篤篤其實係幾有風味同地道 而且仲好平! 司機帶我地去左咁多寺廟 都只係收每人20泰殊 ($5 hkd!!!) 但唔好既地方就係 佢地會lur你去一啲賣珠寶既店鋪 因為只要你係鋪頭入面逗留二十分鐘 佢地就會有free petrol coupon (當然係依啲鋪頭吸引人客嘅手法啦) 另一個唔好既地方 就係危險同埋吸晒啲廢氣 當我係架車度感覺到佢左搖右擺嘅時候 都有一刻驚自己飛左出去ga haha 途經嘅一個市場 係plan行程嘅時候 已經知道曼谷有好多佛寺 聽過睡佛 企佛 坐佛 又聽過金佛 玉佛 但就完全唔知有咩分別 其實係我去曼谷嘅時候我都唔係好識分所有佛像 直至寫依篇blog既時候再睇番啲相 先至真正清楚了解所有寺廟嘅分別 Wat Phra Kaew 玉佛寺: Na Phra Lan Road, Phra Nakhon, Bangkok Opening hours: 8:30am -3:30pm daily except during special Royal Ceremonies Admission: ฿250 (includes admission to Grand Palace and Wat Phra Kaeo) 因為當日有宗教慶典進行中 所以個段時間冇對外開放(cry) 只可以影低佢白色外牆嘅設計 *Wat 既意思係指宗教寺院或寺廟 於是我地就決定去第二度參觀啦 途經大象雕像 Pink Elephant statue 然後就到達Wat Intharawihan 我只係係外牆度影相 因為入到廟影相好似好唔尊重.. Wat Intharawihan: Phra Nakhon Opening hours: 8:30am - 8:00pm daily Admission: free 點擊圖片放大 呢個就係成日聽到既企佛! The standing buddha 跟住我地就再搭篤篤去到Wat Benchamabophit 佢成個寺廟有好多部分 Wat Benchamabophit (The Marble Temple) 雲石寺: 69 Nakornpathom Road, Dusit Opening hours: 8:30 a.m.-5:30 p.m. daily Admission: ฿20 Si Somdej Pavilion Bovornvong Bell Tower 我地嗰日都有去到臥佛寺 Wat Pho 但好可惜無影到相 差不多三點鐘 就照原定計劃去唐人街食野 但點知去到嘅唐人街同想像中有非常大嘅出入 (唔知係咪佢車我哋去咗另一個地方) 我地嗰日去到嘅唐人街好似一片廢墟 冇乜人 然後啲店舖有冇開門 跟住我哋就周圍行下 只有一個好小型嘅商場 hm... 最終放棄咗 然後搭的士去原定食晚飯嘅地方 Kuang Seafoods係專食海鮮嘅酒樓 佢嘅位置有啲偏僻 但啲野食真係又好味 好抵食 Must go!!!!!!! Kuang Seafoods: 107/12-13 Soi Rang Num Phayathai Rattevee, Other Zone, Bangkok 芒果糯米飯 蒜香奶油蒸蝦 咖哩蟹 豉椒炒蜆 3rd done doneeee! :)
