唔知各位爸爸媽媽有無小朋友追偶像煩惱？好耐都未見到跳舞跳得咁齊，又咁有Energy 的組合。Mirror 可以令到各位姐姐妹妹如痴如醉，就連我7歲囡囡都迷住了。幾時開始？一齣 “男排女將”, 比我哋睇到好多Mirror 成員，再加上 “太平紋身店” 姜B 出現，即時令囡囡有咗深刻印象。最後梗係「2020年叱咤頒獎禮」，姜B 「我最喜愛的男歌手」同 「我最喜愛的歌曲大獎」「蒙著嘴說愛你」完全觸動了她的神經，Mirror 又拎新人獎，令佢不斷loop 返YouTube 頒獎典禮。2020年開始，因為要 Zoom 不停，因為無得去旅行，因為減少外出......我哋其中一個親子活動就係睇電視。近排上網睇返 “Mirror Go” 唔同的電視節目，再加多個 McDonald’s 姜 B 餐，Mirror 迷倒了小囡。令我諗返起自己年代追睇 “黎明”, 抽 “yes card” 日子；當然比阿媽禁止。但今時今日，仲會唔會禁止阿囡？倒不如同佢一齊睇歌詞，認識多d 字，字詞意思。而且，Mirror 紅或者咗多咗咗多人識，其實每位成員都已經落左唔少苦功，成功非必然的。正面教佢地仲好啦！「其實我好鐘意廣東歌」。「花姐好叻呀！」點擊圖片放大
