天喜丸, 婦女界應該無人吾識哩隻中成藥. 就算吾識個名, 見到真身實有印象. 亦有人以為食天喜丸可有助懷孕, 究竟<天喜丸>係龍, 定係鳳??!!睇埋落去你就知.根據官網資料《天喜丸》主治婦女月經失調及因月經失調而引致的各種婦科不適，適用於月經不正常、白帶、經痛、便秘、貧血、失眠多夢、產後調補不足及婚後久未成孕等症。功 能：溫中散寒，化濕行氣，補血調經，通便。主 治：婦女月經失調，痛經。成份：(砂仁, 乾薑, 肉桂, 豆蔻, 甘草) 64.4%, 等(35.6%)本品專門為婦女而設，性質微溫，有助祛濕、健脾，可增強血液循環，改善手腳冰冷，同時有效改善月經失調、經痛及日常分泌物過多的現象。注意事項如發覺己有身孕，應立即停止服用，待生產後才繼續服用。行經期間停止服用。服用初期可能有輕微腹瀉的現象，這是由於身體正在去瘀生新，腹瀉現象會於數天後逐漸消失。根據產品內附單張功能: 開胃, 滋補及有益健康此丸藥性和平, 不寒不燥, 四季寒暑皆可服用, 專治月經週期紊亂。不論已婚婦人, 未婚少女, 皆可服用。常服有補血養顏，身心康健之功。成份解碼砂仁: 化濕行氣，溫中止嘔止瀉，安胎。味辛、溫。歸脾、胃經。乾薑: 溫經止血，溫中止痛。味苦、澀，溫。歸脾、肝經。肉桂: 補火助陽，散寒止痛，溫經通脈。味辛、甘，熱。歸脾、腎、心、肝經。豆蔻: 化濕行氣，溫中止嘔。味辛，溫。歸肺、脾、胃經。甘草: 益氣補中，清熱解毒，祛痰止咳，緩急止痛，調和藥性。味甘，平。歸心、肺、脾、胃經。哩幾隻中藥都可以講係偏溫性, 吾似單張講[藥性和平, 不寒不燥]. 而且氣味比較強, 走竄性強. 的確適合手腳冰冷, 月經後期, 有經痛(喜暖敷)既脾腎陽偏虛女士. 如果有D濕阻中焦, 導致大便易屙, 胃氣多就更適合. 所以都好符合[開胃, 有益健康], [溫中散寒, 化濕行氣], 之於[滋補]只可以講一部份啦, 因為肉桂有引火歸源. 陽虛出現虛陽上浮的症狀，肉桂可以令虛陽回潛, 令身體回暖. [通便]應該係指濕阻中焦解除後大便順暢, 即係砂仁, 豆蔻既功效. [補血調經]就見仁見智, 除非(35.6%)入面有更多補血中藥, 吾係只可以講肉桂掂到少少. 由於藥性偏溫, 絕對吾建議長期服用, 想要[補血養顏, 身心康健], 要符合體質先會比較效果理想. 相信食得天喜丸, 都吾會為左消化不良便秘, 或者失眠多夢而食. 簡單月經不調, 分先期(提早), 後期(延後), 先後無定期(亂無規律), 都要分清究竟係邊度虛邊度實. 不孕症更加係一大課題, 除腎虛, 還有肝郁, 痰濕, 血瘀. 如果以天喜丸來調理身體懷孕, 比較適合腎陽虛+少少濕阻體質, 即月經後期, 量少, 怕凍, 小便頻, 大便易稀. 所以絕對吾係個個岩食.
