好細個考試前阿媽都會整罐雞精俾我飲，話可以提神，但味道就真係唔係太吸引🥴。近代廠家可能都知呢個缺點, 又想SELL健康，就發明多左個新產品‘滴雞精’。其實兩種既製作方法大同小異。都係原隻雞，隔水蒸(兩者方法有少少分別)，等啲雞汁雞油逼出來、收集、去油。以前雞精就會多左濃縮, 過濾去雜質, 有些會加焦糖色素。最後入樽/入袋，高溫消毒。所以兩者最大分別係濃縮&焦糖色素。所以大家都會見到雞精係較深色。如果大家有煮過白切雞, 就會見雞汁雞油係比較似滴雞精的色水。滴雞精相對原汁原味，精華會更濃、但亦會比較燥熱🥵。講完點整，就講下雞精有咩功效。雞味甘性平偏溫，即係有少少熱，偏補脾胃。而且雞都係血肉之品，有豐富蛋白質。唔建議❌熱底人士，例如易熱氣、便秘、生暗瘡, 口干🥵….有啲孕婦🤰🏻或產後會問飲唔飲得。如果妳係面青口唇白、怕凍🥶、疲倦無力都可以試飲。但只要你覺得自己熱氣，同埋自己嘅中醫師話你熱底/陰虛火旺，我就覺得唔飲都唔會有損失。另外, 感冒人士亦唔建議飲雞精。我上個post都講過雞有豐富蛋白質，會增加脾胃消化負擔，影響康復。(網路圖片)#中醫二三事 #恆俠仗醫 #茶餘飯後 #自己身體自己救 #健康 #養生 #中醫 #中藥 #針灸 #中醫護理#飲食#食療#養生#身體健康 #雞精#滴雞精#戒口#雞#感冒#中醫感冒#孕婦#產後護理#熱氣#食得健康最緊要#雞有雞味#chinesemedicine#acupuncture#health#healthylife#healthytips#pregnancy
