今日lunch 落去行下街，見到好多人都排呢排好紅嘅The Alley - 鹿角巷. 又等我去試下先 「鹿角巷」一間由台灣紅到去日本嘅茶飲品牌，招牌「光飲系列」有夢幻嘅賣相，亦有各式手作珍珠飲品等選擇。 聽聞佢地嘅手作珍珠飲品最特別嘅地方就係佢地嘅珍珠-「黑糖鹿丸」，每粒珍珠都係用自家麵團手揉成形，食落特別QQ。每日用台灣嚟嘅黑糖熬煮2小時，而且熬煮完成後唔會擺放超過3小時，令客人既食到黑糖嘅餘韻，確保珍珠係最佳口感。 今次我就試左佢地嘅人氣之選之一嘅 「小鹿出抺」$28 點擊圖片放大 佢地嘅抺茶做得非常出色，十分濃郁嘅抺茶味！以佢哋嘅珍珠並唔同出邊一般市面飲到嘅味道，入口完全感受到黑糖嘅味道完全籠罩着粒珍珠，可以話抺茶同珍珠配合得天衣無縫。 唯一嘅美中不足係本人覺得甜咗少少。 但講到尾綠茶愛好者真係值得去一試 PS:如果要是到佢哋嘅人氣之選最好就係喺下午一點前去買，因為我一點去到已經有三樣售罄咗啦⋯⋯ 推介指數： 8/10 鹿角巷 尖沙咀彌敦道27-33號良士大廈地下F舖 星期一至四：12:00-22:00 星期五至六：12:00-23:00 星期日：12:00-22:00 C.M.食遊記 信箱 : cm.eatlife@gmai.com (Instagram) CM食遊記 【PressLogic – Holiday】CM 食遊記
