呢個blog真係有好一段日子無upload過 今日早上既新聞，我相信已經震懾人心.或者作為過來人，真係有好多野想分享下 作為20歲既女仔，界手界左7年，試過用安眠藥自殺，但自殺未遂，企圖自殺既次數多不勝數..好多既行為會令人覺得我seek緊attention，但內心既痛苦，你無經歷過既，又點會明？ 因為好多好多既經歷，包括屋企，學校，甚至人際關係上，一堆問題go through 左十幾年，然而仲未得到一個解決方案，日日處於一個生不如死既狀態，之後身邊啲人就話:你可唔可以正面啲？非洲啲人點點點...社會上既不解，身邊既人盲目去判斷一個人應該要點，其實都間接迫緊一個人去死 點解會選擇自殺？點解自殺既人成日俾人叫佢地諗下身邊既人？有冇諗過明知身邊既人會受苦，但都要走上絕路，呢樣野先係最令人心酸？往往自殺者俾人話自私，但佢地既感受，其實大家有冇體會過？ 當大家見到身邊既人有界痕，你地係會話佢地唔應該界，mk定attention seeking? 其實我好想呢個社會停一停，拎返個同理心出黎，而唔再只係望住自己既利益/前途 身為一個有堆內科問題，然而仲要搏命入返大學同做part time 既學生，想講句:其實每個有情緒病既人都好努力咁生存落去，佢地界手，係因為好想生存落去但好痛苦;佢地成日話要自殺，但無自殺唔係因為想seek 全世界關注，而係仲捉緊好少好少既希望去生存;佢地既諗法，唔係負面，只係經歷過太多野先會咁樣，唔係正面思維就解決到 一個人表面上仲笑得出，唔代表佢真係無事..食左精神科藥物，唔代表會好返，你地知唔知精神科藥物有好多副作用？鎮靜劑食得多會腦退化;思覺失調藥，有啲食左會手震加翻白眼;其他藥最常見既係體重增加，導致有其他身體疾病.. 一個女仔，因為食藥，飲食習慣無改變，但最後兩個月重左7公斤，然而當大家覺得7公斤還可以接受到既時候，其實果個女仔過去一年一直減脂，減到佢就快到target既時候，就因為藥既原因，突然白費左佢一年既努力，其實有幾崩潰，你地知道嘛？ 精神病患者一直都好努力去生存，佢地需要既係社會既諒解同關心，唔係歧視既眼光;亦唔係聽到堆呢個年代既人比上一代更唔捱得..盡量去明白佢地多啲，令佢地知道呢個世界係仲有人愛佢地，理佢地.. 自殺呢樣野，我知唔一定關精神病事，但係好想大家關心下自殺事件，而唔係只係因為有稍為出名既人自殺，先關心一陣... 最後，我承認我係有重度抑鬱同焦慮症，但唔代表我無盡力生存過 我寧願蝕底俾人，我都唔想無左同理心，因為我唔想身邊既人自己一個行呢條路，我愛大家:) 送首歌俾大家作為結尾:D https://youtu.be/dFMHITMTWCw
