點擊圖片放大 +2 企係灣仔皇悅酒店門口陰陰笑的Bellboy黑珍珠，雖然見到入面行有李架都想幫手搬下野，但今日唔係黎返工，落咗酒店樓下一間鐵飯碗餐廳食晚飯。點擊圖片放大 +2 "Tiffin"係馬來西亞傳統鐵造飯盒，亦即餐廳名字來由。如果你上網搜尋tiffin box，都會找到這種鐵飯盒。其實香港以前都流行過這種幾層疊高的鐵飯盒，方便返工廠開工帶飯，一層擺餸，一層擺飯，中午用熱水蒸返熱啲飯餸黎食。時代會進步，這種鐵飯盒不斷改良，變成有保温功能的塑膠便當，再唔係用鐵盒，唔使蒸完熱辣辣，辣親手。至於點解以前要用鐵，一來塑膠製品未普及流行，二來傳熱快，成班工廠妹萬歲排緊隊等蒸飯唔想蒸太耐。講講下講到離晒題，鐵飯碗餐廳裝修和服務都是酒店高級水準，主打正宗馬來西亞菜，用餐當晚都有不少遊客用餐。 今次食了一個精選二人套餐，$800兩位。開茶揀選了觀音王，茶錢$32一位，有個小蠟燭熱住壺茶，味道清澈，發出淡淡幽香。 點完茶，侍應立即送上免費新鮮即炸蝦片一籃，原來馬來西亞食炸蝦片興點辣椒醬食。 首先上的是前菜娘惹海鮮小金杯（2件）蜜汁黑豚肉叉燒（2件）蛋黃醬脆鴨絲夾（2件） 之後有南洋傳統肉骨茶，配上一碟醬料。肉骨茶用了大量中藥熬製而成，藥味好重，但好清甜，完全唔苦的，豬肉煮完非常軟腍，有好多豆腐卜吸晒肉骨茶既精華，仲有幾條好脆既油炸鬼伴肉骨茶食。 另一道主菜係咖喱魚配飛餅，馬來西亞的咖喱味道其實偏向似香港咖喱，但比港式又多了一些香料，而這些香料和印度咖喱的香料又唔同。用斬件魚肉煮咖喱令咖喱多了一種鮮味，點上香脆印度薄餅食都好飽肚。 之後有馬拉盞四大天王，一道惹味小炒，用上了馬拉盞醬和多種調味料，馬拉四大天王是指羊角豆、豆角、臭豆和茄子，全部材料醬料混合椰菜花黎炒，一上菜已聞到廚師既鑊氣。 最後的一道菜有檳城福建炒蝦麵，炒福建蝦麵跟馬拉常見的福建麵不同，以油麵及米粉兩溝的「參參」，加上豬骨及蝦頭熬製的上湯，邊炒邊加湯，為一道濃郁濕炒麵條，湯汁很多，相當濕潤。其實有點似龍蝦汁炒米粉。 時日甜品 （木瓜雪耳糖水）食埋個甜品清一清腸胃，潤一潤喉嚨。二人餐份量好多，我諗普通人未必食得晒，食唔晒可以打包返屋企繼續食嘅。全部菜式都充滿馬拉風味，平時都好少幾會食到高級馬拉菜。點擊圖片放大 鐵飯碗 (灣仔)灣仔軒尼詩道33號灣仔皇悅酒店LG2樓
