好耐無見啦,今日想同大家分享一套電影 哥斯拉2 怪獸之王 今次同以往一樣,我都係會用返個人主觀感受去同大家分享。 海報真係做得好靚 真•睇到瞓著(人類劇情)、閃光彈、到底我睇緊D乜(人類劇情)。 以上就係我當下睇完戲嘅感受,個人認為如果係想消磨下時間咁你絕對可以入場睇下。 但個人唔建議睇用貴價去睇,佢有d角色真係唔太合情理,打鬥就係隻哥斯拉打輸、俾人類累死、Let them fight、打贏、完。 其實怪獸間嘅打鬥真做得幾好,係主要4隻怪獸外嘅特寫部分真係做得衰左D,個感覺就好似淨係見到板塊移動 d塵土飛起曬 ,總之就係好靚咁打尼打去。 到人類劇情,我真係完全唔明做緊咩。特別係個女博士,戲中真係匪夷所思 仲有個尋囡記真係可以悶到瞓左。所我都唔想浪費時間講or浪費大家時間睇 仲有一點,我個人係唔建議眼睛畏光嘅人去睇。因為怪獸之間嘅戰鬥係會互相射死光、仲有人類嘅核武爆炸係會閃來閃去,加上環境幽暗,果一吓閃光係絕對會令眼睛不適。所以記得要有放閃嘅心理準備。(真係會幾乾同幾光) 不過都勉強搵d野讚一讚啦,其實佢有講過點解個奸角要放怪獸出來,因為佢認為人類嘅生活係令地球加速消耗,所以想學Thanos借怪獸消失下d人類。咁就人類反省吓對地球嘅環保呀等等啦 類似嘅消滅人類原因其實都睇過好多次,唔好再俾依種原因人消滅人類啦 不過我都好贊成要環保,老實講人類對大自然做成嘅傷害真係好誇張,為地球為下一代著想,小編都真心鼓勵大家多支持環保 垃圾分類 珍惜食物同多食蔬菜。自己好、大家好、下一代都好 唔知大家點睇?歡迎下面留言同小編一齊分享 C&K Lifestyle Our Instagram Our Facebook Our Whatsapp