為免俾人恭祝劇透死全家,所以我儘量寫到睇左先會明嘅方式。 今日睇完Avengers Endgame,有少少感受就想同大家分享一下。 上次分享完Marvel電影對我人生中嘅改變,今次就想同大家分享個人睇完嘅感受。老實講套戲一完我得一種感受,唔係”好正呀” “好好睇” “睇多次” 我個人係有一份失落感同感動。 失落感個人來自兩個源頭 一 今集同上集一樣都係有英雄會消失左,睇左嘅會明白今次”消失”嘅意思,而點解我會失落?因為Marvel其實就等同我中學至到今日嘅時光,同朋友 同事/舊同事 都係離唔開依個話題,當中嘅元老級復仇者都會同大家告別,彷彿就好似同陪伴左自己好耐嘅朋友告別。 二 當初第一次睇靚佬Robert Downey Jr到今日睇到佢明顯嘅歲痕跡 及 飾演美國隊長嘅Chris Evans第一眼年輕到今日開始漸漸有少皺紋嘅佢。 戲中睇到佢地時不禁想起,自己都過左11年了。我唔係戲中嘅角色同英雄,唔會好似Avengers咁有戲劇性嘅轉變同偉大嘅戰績,但到底自己11年前同11年後又有無成長同長步。 最後我個人感動位 依到會有少少劇透,唔想被劇透可以按返上一頁唔睇著 等睇完再返尼睇返。 Iron Man 2首次了解到父親對自己嘅內心感受 Iron Man 3窮到得返錢同感情不順嘅Tony 英雄內戰 努力阻止復仇者分裂同目睹雙親被殺嘅Tony 其實鋪排得好明顯,Tony雖然擁有好多 但其實佢好空虛。今次見到佢有機會同父親對話,擁有自己家庭都好替佢感到開心,雖然結局.......但正因佢為大局而犧牲小我完成大我先感動。 可能我投入度唔夠人地高,所以無新聞所報嘅其他Fans哭到一個點而我都無哭到。但最終戰落幕前一句明顯安排過嘅首尾相應對白I am Iron Man去串連Iron Man嘅破曉同落幕,作為Fans我個人係莫名地感動,不過都及唔上「I love you 3000」。