第一套睇Marvel電影已經係11年前嘅事，而當時由嘅Marvel電影就係Iron man。 然後不知不覺咁就11年，由當時仲係初中中學生嘅我去到今日已經係工作好幾年嘅成年人。 琴日響Facebook見到好幾張圖，我個人有d感想，想同大家分享一下 放心絕無劇透。 圖片來源：superheroaxis 大家都知道Marvel只係部漫畫改拍而成嘅美漫電影 佢地並唔係真實存在，但唔知道Marvel嘅電影對大家人生有咩影響呢？ 對我尼講第一個影響係心態，我好記得我第一個喜歡嘅英雄係Iron man-富有、一流嘅科技、型到一個點嘅戰甲同佢嘅寸咀。 直到我睇左美國隊長復仇者先鋒開始改觀，然後到美國隊長冬日戰士 我就開始完全只係喜歡美國隊長。 起初覺得Iron man有套甲接近無敵咁滯，美國隊長只係基本能力比一般人強，但都係血肉之軀 而且當初瘦弱嘅佢根本完全唔吸引。直到我發現佢捨己為人 堅毅不屈嘅性格 為佢帶尼成為Super soldier什至Super hero。對我尼講內在嘅堅強比外在更吸引。 當然仲有佢嘅身材，依個都係對我第二個影響-健身 因為我都係冬日戰士後我就開始keep住健身到今日，起碼2014至今日2019 5年我每星期健身一至兩次。 老實講有好一段時間，筆者曾經對人生感到好絕望，其中一個元素鼓勵我勇敢面對人生嘅Marvel電影功不可沒。 美國隊長係如何以內在嘅堅強成為今日嘅美國隊長， 奇異博士又係點樣以自己嘅堅持打敗多瑪暮， 都係我心靈上好大嘅鼓勵 教導我勇敢面對人生每一個壞處境。 依part都有好多角色改變左我，變得更加唔介意為不同人付出更多。 Captain America:為左美國犧牲自己 連人帶機撞入冰層。 Ironman:由一開頭為自己為興趣而成為hero 去到第一集Avenger冒死推支核彈推入宇宙。 Thor:起初為自己為榮耀而戰，去到因奧丁懲罰 學懂捨己為人。 Groot:Groot本身好善良 願意犧牲自己拯救星爵一行人。 Dr Strange:初時好自私好要面，為錢為面揀病人醫，到後為左地球 願意無數失敗換來一次勝利。 所以對我尼講 佢地就好似上圖一樣係真實般存在，因為佢地確確實實影響左我人生。
