Ck仔。樂遊四方。 https://www.facebook.com/chiuck1001 終於拎番起個keyboard 的番起個心肝打遊記... 話說上月去左海洋公園玩~~ 其實一直都覺得海洋公園係好應該拎相機去的, 因為真係有好多動物影~ (我的確鍾意睇動物多過玩機動遊戲) 不過好似平日都冇咩機會入去影相, 至少寫遊記以來都冇再去海洋公園... 今次, 滿足自己!!! ^^ Let's Start!!! 一入場緊係搵新開既樹熊館啦~! 聽職員講話好似係呢面, 呢到又有隻樹熊~ 但........ 點解我搵唔到既~ 我地圍住呢個綠色野1個圈, 都搵唔到入口... 後來問職員先知, 呢個係鬼屋, 暫不開放的XD 哈哈哈哈哈, 唔怪之得搵唔到入口同人龍... 原來係老大街既大娛樂戲院先係! 你真鬼馬~! 今日係呢2位朋友仔陪我玩^V^ 睇D告示已經覺得好可愛 不過令我諗起樂天熊仔餅XD 一入門, 有條好短既片睇 經過呢條走廓就到 隻樹熊好得意啊! 好肥嘟嘟!!!!!!! 入到去, 館內唔算大. 不過好靜, 大家都好守秩序 怕大家O曹到樹熊, 不停有安作人員在旁 雖然我唔記得O係澳洲係咪睇過呢D牌, 不過又的確有少少親切感 哇, 睇相佢地3個都好可愛啊!!!!! 因為個樣睇落好蠢XD 不過我唔好彩... 佢地全部... 係全部訓緊覺... o係FB見到朋友影到佢地冇訓時既樣, 真係好得意架!!! 不過樹熊既睡姿都可愛既 :) 點擊圖片放大 你呢個姿勢... 唔累架咩?? 哩到咁埋... 係咪以為我見你唔到? 呢隻雀仔都好靚, 佢叫笑翠鳥~ 仲有駱駝~ 不過好細隻, 唔知係咪BB黎? 有部機俾人捐錢保育的 入面仲有野玩, 哈哈, 幾得意架~ 玩完仲可以拎番張cert XD 出番去souvenir店睇~ D公仔好得意, 我最愛呢一隻!!!!! 好可愛, 積地好舒服!!!不過.... 我已經有太多公仔了... haha 一去親遊玩地方, 我都會鍾意攤位遊戲~~~ 當然玩番D先走 :P 之後去睇小熊貓 其實我最愛就係小熊貓, 佢地個樣真係好可愛 好似一個小朋友咁 點擊圖片放大 熊貓呢... 又係訓多=____= 佢地仲懶過我... 上山 ! 海洋列車係偉大發明, 唔洗排隊上山感覺真好 分享2個我最鍾意玩既機動遊戲 就係呢個.... 雷霆節拍~~~~ 黎黎黎, 邊個陪我玩?! 至多我蝕底D坐出面 一路玩一路笑 其實完左後覺得... 好想三個人坐, 應該仲好笑 (係要猜輸左坐最出XD) 不過職員唔俾.. 話至多只可以2大1小咁坐.... 唔.. 咁冇得玩lu... 第二樣鍾意玩既... 哈哈哈 係... 碰碰車 冇咩好介紹. 純粹想分享我好鍾意玩 :P 點擊圖片放大 睇企鵝仔~~ 原來都真係有唔少人會join餵企鵝 唔知個感覺係點架呢 不過... 真係有D貴.. 我唔會捨得俾... 去睇雪狐~ 話說我唔記得左佢個名, 我上海洋公園website搵番的.. .結果發現. o個張相同我影既差好遠! 我呢隻... 肥好多好多好多... haha...果然好食好住 點擊圖片放大 唔信你睇下XD (下圖為OP website既相) 再玩咁上下, 唔係好晏, 但我地已經好累... 可能因為當日天氣突然熱了...... 所以我地想回家了.... 我又想... 搭下纜車, 心想, 都未到六點, 應該唔係好多人掛 點知.. 我地都等左1小時..... 等到個人吽曬............... 就有得上車, 笑番啦 好似好多年都冇搭過纜車了 點擊圖片放大 +2 咁風景又係幾靚既^^" 落車, 呢個位...唔, 大家睇多張相先 我有句好老土既說話從心彈左出黎... 就係...... 海洋公園, 真是屬於香港人的... 呢D景... 好香港感覺.. 好啦, 我認我hard sell左, 無計啦, 呢個位亦係等緊朋友去洗手間既位... 哈哈... 係諗多左少少架啦~ 之後見仲有D時間, 睇埋個海洋奇觀~ 又有我最愛既魔鬼魚啊 ^0^ 拿, 最後~~~送番張日落相俾大家先~~~~ 唔好意思... 俾人識穿左... 我係到自製filter... 哈哈..... 咁................真係咁樣靚好多丫嗎...XD yeah, 終於打好 :P 答應自己, 下星期開始打台灣之旅. 否則, 我應該會開始忘記了一切發生過既事......... 加油加油!!!!! 其實, 寫遊記真係為左滿足自己, 記得自己同朋友既遊玩 :) 當然, 如果有你地支持, 我會更有推動力去寫啦^^ Like 左我Fans page 未? 未就快D Like 啦 Like 左既... 不如幫我share開去丫^^ Ck仔。樂遊四方。 https://www.facebook.com/chiuck1001 Ocean Park 出發日期: 15/03/2015
