旅行行程~ Day 1 - 鼎王 Day 2 - 宮源眼科, 九乖九文具店, 勤美誠品, 吉鳥串燒店 Day 3 - 妖怪村, 日月潭, 清境 Day 4 - 武嶺日出, 清境農場, 紙箱王, 清境小瑞士 Day 5 - 老英格蘭, 觀音瀑布, 又見一炊煙, 古堡, 高美濕地, 阿財米糕, 一中夜市 Day 6 - 彩虹眷村, 東海大學, 老街, 摸乳巷 台灣, 點解說很純? 因為一直都很喜歡當地的文化, 而亦係CK仔第一次的旅行地點. 已經3年冇再去. 這是我第十二次出門坐飛機, 回歸這個地方, 真的別有一番感受. 特意穿回白褲子, 藍恤衫. 一起來看看我這4年來的變化. 圖上是2010.6. 第一次到台灣! Hey! 那時我是去台北加墾丁的. 而喼都係問朋友借! 細細個搞掂! 圖下是2014.9. 第三次到台灣! 今次只去台中和清境. 哈..但已經太懶... 用大喼好處就係唔洗執, 咩都放曬入去.... 點解會簡番台灣? 今年年頭, 見到HK EXPRESS平機票去台中~ 就立即相約我既台灣旅伴一齊再去! 好快大家就決定好日子同訂機票, 就係咁. 我既期貨旅程就老早Plan定了. 唔知道大家, 有冇一D朋友, 未必成日見面, 但一見面就可以好多野講. 什至可以一黎就去旅行. 相信大家都會同意一點, 好朋友未必係好旅伴. 這2位跟我去了2次台灣的好朋友, 唔知今年, 又係唔係可以繼續相處融洽呢? 去台灣, 就會想跟你們去. 先來一點回顧, 這是我們, 2010, 2011, 2012 的合照. 除了去旅行, 這個組合, 就很少在香港出現. 2014. 9 哈哈, 其實, 我地都冇咩點變吧?! 我只可以講句, 我!瘦!了 !XD 好啦, 我地到左台中啦~~~咁快?! 係啊.. 搭飛機快過我入屯門啦~真係晏下眼就到!!! ^^" 落機前見到下空好似22世紀殺人網絡咁, 我唔明點解只有綠色同橙色...哈哈!! 落機大約八點, 我地搭的市直去酒店 - 寶島53行 睇Lobby好似幾靚喎~ 實不相暪, 我未o係台灣住過酒店... 每次都係住民宿.... 先睇廁所!!! 都OK吧~! 睇完廁所出番黎, 已經俾大家搞亂左張床~~~HAHA~!!! 所以有少少巢, 大家唔好誤會原本係咁XD 喂~肚仔餓啦!!! 食飯了~~~~~~~~~ 我就第三次黎~ 2位朋友簡直台灣常客, 今次都好似第6-8次了... 聽說無老鍋火鍋好好食~~~ Gogogo!!! 去吧!!! 點知...... 一上車司機就話... 裝修中呢.................... 咁我地唯有轉食鼎王 地址: 台中市公益路2段42號 要左個麻辣鴛鴦鍋 麻辣同清湯都幾好味! 夠濃郁~! 湯配料係無限添加, 朋友們食左好多豬紅~ 見到配料話一定要食油炸鬼~~ 唔.....我覺得... HK既響鈴好食好多^^" 點擊圖片放大 味道我覺得唔算係必食, 不過態度真係一流~~ 每次點菜佢都會90度鞠躬@@ 我見好多人會將D送連湯外帶@@ 我地唔係食剩好多野, 同我估HK人都唔習慣... 食到成十二點幾~~~ 慢慢行左陣就搭的士返去lu~~~~ 呢間就係裝修中的無老鍋~ 第一日行程就完結了, 期待明天^^ 第二日, 我地訓到十點幾先起身!! (咁先係旅行架MA~) 先落街買早餐, 琴日一早就昅到酒店隔黎有間小店賣蛋餅~ 仲唔係你?!~~ 真係好平!!! 我地叫左5樣野食SHARE~都只係around HKD 50~~~ o係香港要食蛋餅, 都要$25一份.... 好好味啊^^ 食飽後出發! 先去酒店對面既宮源眼科~ 聽說一定要來參觀~ 點擊圖片放大 +2 入到去, 好靚既裝修, 啊... 經過琴日火鍋店加今日呢到, 好似好多地方都裝修得好靚咁 點擊圖片放大 +2 明顯真係遊客區? 有得蓋印仔~~ D手信好靚~ 不過價錢仲靚*o*.... 唔捨得買 點擊圖片放大 +2 呢到望過去好多人~ 原來係排緊雪糕 同樣地, 雪糕都好貴........ 好似2個窮小朋友食唔起, 只能看一樣~~~ haha.... 其實.. 呢個位入面好似係賣茶的~ 不過我地好飽... 入面好多設計很美的mini menu~ 哇!!! 只係朱古力都有咁多味! 好正咁喎!!! 有D名好有趣 :P 思念總在分手後 lol..... 買完雪糕仲可以簡3簡toppings 點擊圖片放大 登登~~~我地叫左個伯爵紅茶味~同埋好似係70%朱古力~伯爵紅茶超好味!!! 唔好睇少呢杯野, 3個人好辛苦先食得曬.... 都係O個句, 食一次就夠~~~ 旁邊有間賣蜂蜜...好似係CAKE 定唔記得野飲既店^^" 本來打算食完雪糕過黎食, 但... 真係好飽... 食唔落了~~~ 只好玩下木馬仔^^" 行大約3分鐘就見到公車. 我地要去公益路~~~ 原來台中公車首8公里用悠悠咭係唔洗錢的 不過等20-30分鐘先有一班.... 所以.. 你見啦, 冇咩人搭... 落錯車... 很好大段路先到我地想去既目的地... 途中見番個無老鍋, 原來佢係成間拆曬 @o@......... 截至寫blog日, 都未裝修完的, 我估要到11月中-尾先整好~ 其實我地係要去九乘九文具店 2個台灣精次次黎親台灣都要去九乘九買文具~ 結果我地留左成3,4個鐘@.@..... 哈哈, 買文具都可以每人買成HKD300-500~ 我服左你地!! 企到腳仔軟, 行番轉頭勤美誠品之前, 走入了這間coffee shop 點擊圖片放大 +2 幾好飲! 醒神曬^^ 好, 再行去勤美誠品~ HAHA~係啊, 又係睇書同文具~~~ 今日好文藝 XD 到達之前, 經過一個小廣場, 有好多小手作既攤檔 :) 行完都成十點...琴日的士去公益路時見到有好多烤肉店, 好想食! 但... 我地搵左好耐都搵唔到... 結果求其去左間串燒店食~ 累到連相都冇影~不過好戲在後頭 好了, 我盡我能力用書面語寫, 好讓老闆你看到 :P 老闆跟我們聊天, 問我們從哪裡來, 我們說從香港來~ 然後就像打開話題一樣, 不停聊天~ 還播一些我們熟悉的歌 我印象中有Beyond, 張學友, 等等 ^^" 重點的是我們本來只叫了2瓶酒~ 但老闆都會間中跟我朋友乾杯~ (可能因為她最接近他 :P ) 很快就有一點醉意, 到了大約十二時, 店內其他顧客都走了~ 老闆突然拿出咪高峰來, 天啊! 原來這裡可以唱K! 當然他也高歌幾曲, 可能台灣男 (好, 我是叫他帥哥的) 的國語比香港的好. 所以隨便唱唱也很好聽呢!!!! 帥哥還邀請我們一起唱~ 很快帥哥朋友小寶也加入一起玩 我們笑笑笑, 喝喝喝, 很快樂! 哇靠!!! 帥哥再拿出骰盎來, 你這裡不是串燒店嗎?! =W=""""" 小寶教我們玩台灣的骰~~~ "市吧啦" 哎喲, 相隔太耐, 現在我忘了如何猜~哈哈!!! 我只記得我跟其中一位朋友經常輸, 喝了很多!!! 結果, 我們玩到早上三時多!!!! 超誇張!!! 這是我第一次去旅行跟當地人玩得這開心!! 真的要好好紀念一下!! 帥哥, 小寶, 謝謝你們^^ 你們這麼好客, 叫我怎能不好好介紹! 台中 - 吉鳥日式串燒! 香港朋友也可以過去玩呢! 相信牆上還有我們拍的即影即有相片^^ 回到酒店, 很累很累... 我們洗澡後就很快睡著了..... Ck仔。樂遊四方。 https://www.facebook.com/chiuck1001 台中出發日期: 14/9/2014 -19/9/2014