塔門我又黎了~~~ 今次已經係第三次黎了~ 唔多講點黎, 有興趣可以睇番前2篇文章~ 我記得上年都係大約十月中到黎, 青青既草地令我最念念不忘 好期待今日又可以訓草地^V^ 一如以往, O係黃石碼頭搭快艇黎~! 每次搭快艇都有種: 我真係放緊假既感覺 真係好RELAX. 大約三點零我地就到達~ 今日天色一般般~ 其實... 我一直都覺得雞泡魚好核突...哈哈! 行左一陣就上到黎, OH! MY! GOD!!!!! 點解D草又枯又禿架 :( 有點失望... 再睇番... 上年寫BLOG 係12/10/2013... 即係應該係大約5/6 Oct 去.... 但O個陣係靚好多 :( 都留番個倩影啦~ 好多人, 今日亦有好多牛, 遍地黃金 *0* 亦好多人O係到放風箏~ 個海依然咁靚 呢隻牛, 有D似馬 :P 同我真係好佩服D咁重既動物都能夠O係咁斜既位走動... 上次去清境, 隻羊又係可以45度好鬆容咁落山... 行去小石灘. 坐O係到放空聽海, 只係 FOCUS O係下一段浪會否濺起水花 有種慢活的感覺 不過其實..今日都好曬好熱 坐左半個鐘到, 愈來愈多人落黎, 令我好似去左個沙灘咁... 所以.. 我地都起程走了~ 往疊石方向走 望番過去... 真係好禿... 希望只係因為我遲來左, 開始步入秋天, 而非被人類破壞了.... 之前呢D位, 可以訓下草地攤抖下, 不過今日太多牛屎 , HAHA! 好多人都走到最出的一舊石坐O係到影相. 不過礙於得2個人... 我唔敢....@.@ 下面有好多人釣魚 對上一次都只係行回頭路 今次偷聽到人地話行去新漁民村到可以行番去碼頭 就試試看 感覺係行遠過行回程的, 不過未行過又有時間, OK LA~ ^^" 有人O係到曬咸魚 行到熱熱地, 試食冰菠蘿~ 其實... 我係未食過的XD 原來佢係新鮮菠蘿!!!!!! (細個見既係.... 罐頭菠蘿....HAHA....) well... 我有敏感牙齒啊>.< 好凍好痺啊~ HAHAHAHAHAHAHA! wow...第一次見這樣煮食. 但我估o個個唔係柴 ^^" 行過見到好幾個漁排 漸漸日落了, 第一次o係塔門留到咁晏, haha...因為.. 今日太遲起身 :p:p:p 出番去西貢大約七點~ 我地去左洪記食海鮮~~~~~ $388 2人餐~ 碟碟都好大碟, 結果... 緊係食唔曬~~ 冇左IPHONE 2 年, 近排先換番, 原來都已經好多野唔同左~ 例如我可以咁樣玩screen cap xdxd 一年前的塔門 (大約十月頭至中) 2013年十月塔門 Link 2014年三月塔門 Link 由星期一起, 開始感受到真係步入秋天了! 又可以啟動番行山郊遊. 行完一整日, 除左可以出身汗, 影下相, 聚下舊外, 至重要既係可以早睡早起!!!!!! 因為當晚我十一點就已經訓著了... 我也忘了有多少個失眠的晚上.... 希望回復郊遊可以提高睡眠質素啦~~~~ 朋友, 我出發了!!! 你地準備好未啊????!!!!!!! ^____^ v 未Like 我Fans Page 既朋友仔快D Like 啦 :) 今年秋冬, 繼續為大家介紹香港唔同地方!!!! Ck仔。樂遊四方。 https://www.facebook.com/chiuck1001 塔門出發日期: 12/10/2014
