我的Fans Page，紀錄工作以外的一點一滴. https://www.facebook.com/chiuck1001 工作忙的忙, 旅行玩的玩, 有一個月沒有行出了.... 對上一次我都已經忘了走到那裡. 今次因為得2個女仔~ 打算來個簡簡單單的塔門 ^^ 輕鬆地約十一點坑口MTR等. 可是... 我竟然遲到了... 要朋友等左我成1小時.. 真係對不起=_=" 好耐未試過咁輕鬆出門! 搭小巴入西貢, 入到去我地先去買D乾糧 (本來打算坐草地野餐) 週六好多人啊~ 其實由細到大對西貢都不陌生, 但我都係大約1個月前先知原來呢到有廿蚊三包魷魚絲買 仲要有辣味, 絕對比起時興隆藍色魷魚絲抵食好多! 先買三包~! (回程後仲買多6包tim, 因為家中母親大人說很好吃, 要送一些俾朋友, haha... ) 近日同事係咁買雪糕食, 搞到平日唔多食雪糕既我都有一點上癮... 見到富豪就想食番枝軟雪糕 :P 搭完94到黃石碼頭後又搭快艇到搭門 ($20@) 艇上好大風, 我諗, 今日著唔夠衫... 冇諗過咁凍....... 好彩, 都算快到達... 灰灰的天色, 別有一番風味 超鍾意飲咸柑桔柚子蜜! 立即買番枝 不過, 原來熱辣辣天氣時飲係正好多!! 上到去, 都唔少人~ 仲有好幾個在放風箏 D草都冇乜幾條剩, 同十月黎, 差好遠 點擊圖片放大 +2 上次行左左面上亭, 今次行右面落去, 試下睇疊石~ 原來行左落黎小石灘 見朋友上呢舊大石, 我又要上 啊, 唔係好知點轉身.......... 坐到了 :P 企係身, 應該點企呢 @.@...... 糾纏左一陣, 終於都係要朋友俾隻手我旁一旁住... 企到了 hahahahahahaha 無用鬼 之後再上番去~行去疊石 途中景色不錯~ 點擊圖片放大 +3 呢D咁新既椅子, 其實好似有D格格不入 點擊圖片放大 難道這就是疊石? 見到遠處, 應該係漁民新村? 哈哈, 好似o個面冇咩野睇, 唔行lu~~~~ 返返轉頭, 找一個沒有牛屎的草地睡 真係好爽啊 玩到咁上下, 要回程了~ 大約四/五點, 要去食lunch lu~~~ ^V^ (haha..結果我地都冇野餐到....) 無冰奶茶~ 蝦醬牛肉飯~~ 超輕鬆完成郊遊^V^ 其實, 塔門是我最喜愛的一個地方. 每次做野好大壓力時, 一諗番訓係塔門草地到, 都會感到好舒服... o係呢到, 冇煩惱, 只有寧靜, 和一望無際的海洋 如果大家都好想relax一下, 不妨考慮到塔門丫!! 2013年10月塔門遊, 大家可以睇睇對比啊 :) http://www.utravel.com.hk/member-blog/CK1001/ADIRYhEoA3U/
