我的Fans Page，紀錄工作以外的一點一滴. https://www.facebook.com/chiuck1001 Day 3 - 27/2 - 翠湖公園, 大觀樓, 火車->麗江 有2位朋友今日將會加入旅團~ 佢地大約四點到達~一早就約了昆明火車站等 今日可以訓晏少少~九點先去食早餐 早餐既炒蛋幾好食~加了蔥花 另外國內酒店好鍾意有白粥, 再有好多配料俾你自己落 呢到都唔例外~ 今日仲有一款就係南瓜粥 我都係鍾意食咸野多D, 見到有鹽, 就落左1匙 個粥好香南瓜味, 但都係太甜.. 最後都係食番白粥好D... 真係好想食咸野, 就落左2匙鹽 2...點解都係甜既? omg.......原來我落o個D唔係鹽...係糖黎... 好一個鹽糖都唔識分既低能 今日終於時間多D~就影下餐廳出面 好多花 :) Nice Chair~ 點擊圖片放大 Hea到十點幾, 就回房收拾, 其實...CK仔真係好討厭執Gip... 每次都執好耐 (但仍然不整齊).... 好彩只係住左2晚... 都尚算OK........ 琴晚買左枝抺茶奶茶 幾好飲喎!!! :) 下次大家可以試下! 第一景點 : 昆明火車站. (rmb 3X) 一落車就感覺好多人... 好似好雜咁... 都真係要小心D財物... 因為我地係12306訂左火車飛, 一早先黎拎飛~~咁之後就唔洗咁趕~ 我地搭晚上10:25pm火車~ (所以.... 好彩恐襲係2晚後... 如果唔係, 我地可能未上火車...一定嚇親........) 閘前, 乜咁嚴架?防止D人擠曬去櫃台到... (事後CK仔一直諗... 咁恐襲o個陣D人咪好難走.........) 之後入站~上左2樓寄存行李~ rmb 5 一件, 要同佢講會幾時拎番, 等佢方便排位 我地講左大約晚上九點到拎 其實...排隊咪排隊lor...點解D人咁鍾意係咁逼? 註:橙衫人是陌生人來的.... 我的GIP在右下角... 我同朋友都俾佢逼到好似係我地打佢尖咁!!!!! 但實情係... 我地第一位朋友就係橙衫人左前面...(見gip位) 每次一遇到呢D我就會好燥 ./. 呼, 燥完唔理了...!!! 搞掂曬D野十二點幾, 我地先去翠湖, (因為唔洗門票嗎~頭2日已經洗左好多錢, 要慳下了) 到達~ (大約...rmb 1X - 2X, 忘了...) 見到左面個隻粉紅色人扮公仔嗎？ 朋友話千奇唔好同佢影相, 會屈你俾錢的... 後來有隻米奇老味過黎...係咁掂我個朋友.. so annoying @o@.... 我地快D入去吧!!!! 都幾靚咁喎 OMG!!!全個翠湖都係海鷗!!! 多到呢....咁.. 我知滇池個到只係蚊同牛比啦!!! 好彩先去滇池, 咁都冇咁失望.... (我記得我們花了rm300...........................) 好靚咁喎^^ 點擊圖片放大 我好鍾意以下呢張相^V^ 又有櫻花啦! 真係好多隻.... 點擊圖片放大 肥嘟嘟咁行, 好鬼可愛 wow~估唔到係昆明都有呢D相影到^^ 好多人係樹下打麻雀, 好寫意啊! 中間個隻令我諗起比卡超入面既....火鳳凰?? 哈哈!個pose正到呢! 佢地好得意, D麵包要拋俾佢地先會食的 點擊圖片放大 +6 一小時到... 就冇咩野行... 見仲有時間, 就去埋大觀樓, taxi : rmb 1X - 2X rmb 20 門票, 入面又好似好大咁~ 同是好多花, 哈哈, 返到HK唔洗去花展啦 :P 點擊圖片放大 呢D叫奶咀魚~有得俾人釣 點擊圖片放大 其實我唔係好識影花 朋友話屈金香要向番上影先靚~ 試左幾張... 感受: 個肚腩頂住左, 有D辛苦. 哈哈哈哈哈!!!! 行行下, 朋友拎左酒店送的鮮花餅出黎食(應該係雲南特產, 周圍都有) 我冇試, 佢地話真係好似食緊玫瑰落肚咁.... 唔.. 我冇咩興趣^^ 呢張係咁捕海鷗食包... 我塊面中曬D麵包碎... 點擊圖片放大 呢到有一part係有機動遊戲玩的, 不過我地冇過去, 1來唔夠時間, 2來...我係唔會玩國內機動遊戲的.... 呢個叫碰碰船, 好似幾得意 但要rmb20先玩得5分鐘.... 有幾個中學生男仔玩 用船上既槍射中個D顏色波波既指定位, 會有水噴出黎 幾得意!第一次見^^ wow, 有梅花路!!! 好靚啊~ 真係不枉此行! 點擊圖片放大 +2 有人放風箏, 這就是傳說中的軟體風箏嗎? 這是今日睇旅遊網站新學的term :P 好了, 朋友打黎, 已到昆明機場, 我地要過去火車站會合了^^ 因為門口太多人, 感覺上女仔較危險~就約左係入口隔黎既康師傅牛肉麵等~ 隔黎又有建新園~ 再隔黎都有得寄存行李, 但睇網上D人講, 呢到比較多人, 都係上2樓既安全D~ 帶埋朋友上2樓寄存後就一齊食我地既午+晚飯~ 再次建新園~ 介紹唔同過橋米線 手振了不好意思, 因為到了火車站太多人, 所以D相都係用手提影就算... 感覺上安全D... (雖然手提先容易俾人搶............) 呢到既米線比美食街貴rmb5.... 我今日要豪D, 我要食rmb40的!!! ^V^ 其實琴日係美食街見到既款仲多, 有D係要rmb180一個! 本來仲打算5個人試下rmb180, 睇下有幾把炮, 可惜呢間冇~ 來了!!! 仲有氣鍋雞湯, 但唔好飲既, 好咸同好油 5個人的, 好誇張!!! 點知... 再黎一堆配菜!!! 呢個木瓜水/湯琴日已經見到好似幾得意! 今日送埋 係凍的, 好好飲!!!!!!! 食完都只係五點幾.. 仲有成幾個鐘... 我地就即刻search 下有邊到近近地又好去 結果搵到南屏街~就去啦 5個人關係, 開始要搵麵包車了. rmb30定50呢... 忘記了@@ 去到.. 2....又係美食街附近黎既... 算啦, 有2位朋友未行過, 就帶佢地黎 知道昆明小粒咖啡都係出名, 睇過幾個包裝, 都係呢個最靚 仲有得試飲~都OK! 只係rmb10@.一人買左D ^V^ (百佳仲貴.. 要rmb 15 一罐) 老闆仲俾左咭片我, 話第日如果覺得好飲可以打俾佢, 之後快遞黎HK俾我地都得! 厲害厲害!!! 點擊圖片放大 好快行完... 入左間cafe坐下~ 懶人, 正是我們也 icecream coffee, 以為好好飲 點知... 好難飲... 淡到呢... 都係早上酒店餐廳既好!! 好耐冇食薯條 :P 叫滿rmb80, 送爆谷一客 咁, 呢到係幾靚既.^^. 坐到八點三, 就坐車去火車站準備了~ 火車站入面有2間大超市, 可以俾大家補給~ 拎完行李後, 有個朋友好醒目地提左我地. 2... 咩我地唔係有特別候車室咩? oh!!! You are damn right!!! 因為我地買既係VIP 包廂, 一間房可訓3人. rmb 669 問左D職員, 就發現原來2樓入口轉右就係!!!! 有部TV D 椅都幾舒服~仲有WIFI 大約九點八, 就有職員叫我地上車了, 原來呢到直接有通道上車. 唔洗同其他人逼. 入到去, 間房比想像中細, HAHA! 1張雙人床, 1張單人床 枱仔放野 有衣架 有溫度計... 門後有鏡 有水壺 因為我地想傾計, 將所有行李暫放一間房 有朋友係執野高手, 好快就將5個GIP 放好曬 勁!! 不過傾到十一點幾, 我地就訓了, 因為大約六點幾就會到站呢! 之後到酒店check in 後又玩全日~ 要抖夠!!! 張床比想像中好訓 都訓得好冧 同埋呢D床, 我帶既AQ就有用了 噴左後, 訓醒一晚都冇敏感痕^^ 第一次火車過夜 唯一唔好處就係我好怕臭既廁所. 係火車上我冇去過... 忍左好多個小時... 因為佢地話..........好臭好核突... 咁唯有等到酒店才去吧 @.@... 如果大家都支持我, 不如給我個Page 一個Like, 俾D鼓勵我丫^V^ 最好Share埋俾朋友仔添啦 >V< https://www.facebook.com/chiuck1001?ref=hl
