我的Fans Page，紀錄工作以外的一點一滴. https://www.facebook.com/chiuck1001 唔好食既就留番係OPENRICE ACCOUNT~~~ 好食既就放上黎推介俾大家^3^ Cube Cafe (灣仔) http://www.utravel.com.hk/DetailSpot.php?id=ADkRaREoA3MMLA http://www.openrice.com/restaurant/sr2.htm?shopid=152893 朋友們約食飯, 佢地BOOK左呢間, 一向唔多熟灣仔既我, 用GOOGLE MAP都好快搵到~ Order 野食, D價錢都正常, 唔太貴~ 同埋佢都好彈性, 我叫左個西冷扖, 本身係跟燒南瓜, 問可唔可以轉燒薯仔, 佢話OK~ 朋友叫豬扖~後來都轉左跟薯蓉~ 之後佢本身係跟牛肉沙律, 有2個朋友又轉左煙三文魚凱撒沙律~ 牛肉沙律好食, 可惜我一向唔多鍾意食紫色個D菜, 所以… 我食唔曬. 試左朋友個煙三文魚凱撒沙律~好食!! (早知我都轉, 不過因為我遲到, 黎到時佢地已經叫緊, 所以唔知可以轉 ) 之後黎湯, 係忌廉湯, 我鍾意D湯有磨碎左既配料, 令到佢結結地~好飲~ 到MAIN COURSE~賣相很好 (我開始意識到, D野食應該真係幾好食~決定都要寫OPENRICE~所以先開始影相 , 不過唔夠光, D相影得唔好, 請見諒!) 我叫七成熟~ 好味, 份量都岩岩好, 我全份連薯仔食曬!~ 後來上甜品同飲品, 凍凍地, 突然想飲熱朱古力~ 同覺得佢D野食好食, 應該朱古力都會好好飲~ 我叫左3位朋友又跟住朱古力~ 不過後來待應(OR我覺得可能係老闆黎) 覆番我地原來係冇朱古力, 但有柚子蜜同柑桔蜜~ 但我一諗起朱古力就搞到我好想飲奶類飲品, 所以我叫番熱奶茶~ 2個朋友叫柚子蜜, 一個叫柑桔蜜~ 果然冇睇錯佢, 熱奶茶好好飲, 茶味奶味都好足, 同埋應該都幾多奶, 我落一包糖就夠~ (平日我多數要2包) 柑桔蜜好香, 好似係咸柑桔黎~ 凍天氣飲正啦~ 之後甜品竟然係心太軟加雪糕~ 好好食, 唔會好溜!!!! 食曬成個餐感覺非常良好! 埋單時竟然見到係唔洗加一!!! 4個人食左$602 ONLY!!! 真係好抵食! 之後老闆問我地覺得D野食點, 我地都大讚~ 因為之前見到OPENRICE 得3個食評, 就問佢係咪新開, 原來只係開左約一個月! 同埋我再問, 2, 係咪唔洗加一架~佢地話係~因為想TARGET LOCAL 人, 後生仔~ 所以唔想加一 (HAHA!雖然好似冇咩關係, 但唔洗加一當然更開心) 真心推介 ^^ 大家可以 LIKE 我 Fans Page ar !!^3^ 即使冇時間去郊遊, 睇多D大自然相, 對身心發展都絕對有好既影響! 都市人, 輕鬆D LA ^^ 有你地既支持, 是我行動的原動力! :) https://www.facebook.com/chiuck1001
