我的Fans Page，紀錄工作以外的一點一滴. https://www.facebook.com/chiuck1001 已經被各處洗版左2個月紅葉, CK仔終於都出動了~ 話說一直以來都冇去過觀看 當然, 早前行山都有間唔中睇到1,2棵樹有紅葉, 但有主題地去看 倒是第一次! 今次元旦日就去左非常方便既青衣公園觀賞一番。 從藍田搭42C 九巴~大約50分鐘就到了楓樹窩體育館落車, 一睇GOOGLE MAP, 話行12分鐘就到~ 不過總覺得近D既位置會有入口! 果然不出所料, 行左3分鐘到就見到入口~ 未去過青衣公園既我, 對新地方總感到好奇. 其實個人覺得, 屯門公園都係好舒服, 幾值得去, 所以覺得青衣公園都會係咁! 抖左1排, 終於見番多D 綠色野, 加上元旦日, 心情特別開朗! 有個頗靚既水池, 仲有個小瀑布~~ 可惜後面就有好多樓, 份外可惜 唯有來個Close up~~~ 四周仲有一D雕塑~ 好快就開始見到D黃紅色既樹葉, 紅葉我來了! 呢D景色, 一直都覺得係韓國/外國特權才能擁有~ 點擊圖片放大 走多2走, 見到樹上好多.... 到底算是雀鳥, 還是白鴒?? 點擊圖片放大 +2 金黃色的, 真的很美 再走前多點, 就到了紅葉樹了~ 景色怡人~! 點擊圖片放大 +7 如果冇左背後既大廈, 應該好好多吧! 點擊圖片放大 +3 一個小小的公園, 好快就已經行曬. 沒有任何難度, 難怪吸引左咁多人來影相 我估, 這個時刻, 至少有幾百人吧!!! 因為今次係一個人去欣賞, 沒有平日的興奮, 跳脫. 相反, 打從心底的感受多了. 今次沒有拍到此一遊照留念. 相反, 我不停看著遊人的表情, 動作, 聽著他們的對話. 每一個人, 臉上也很和諧, 這, 就是我喜愛到郊外的原因. 市區中的一角, 就能帶比大家這麼的開心. 究竟, 是我們太易滿足?還是香港真的缺少這些地方? 今日, 看到新聞說大棠也被攻陷了. 話說CK仔今星期六一早也相約了到大棠感受一番. 雖然看完新聞後我都的確想了又想, 如果我去, 是錯嗎? 希望不會打擾到當地居民太多. --------------------------------------------------------------------------------------- 3/1 更新: 為左唔想加重大棠人流負擔, 最後決定聽日唔去大棠, 另去其他地方影紅葉!! 想知我去邊影？ LIKE我FANS PAGE 聽日就知道! XDXD ^V^ 5/1 更新: 另外紅葉文章: 追尋紅葉之九龍塘根德道花園 http://www.utravel.com.hk/member-blog/CK1001/ADsRYREhA3wMIg/ 繼續紅葉之聯合道公園 http://www.utravel.com.hk/member-blog/CK1001/ADsRYhEoA3UMLQ/ 同日繼續紅葉之九龍寨城遊 http://www.utravel.com.hk/member-blog/CK1001/ADsRYhEoA3UMLA/ 大家可以 LIKE 我 Fans Page ar !!^3^ 有你地既支持, 是我行動的原動力! :) https://www.facebook.com/chiuck1001
