由動植物公園行左大約十分鐘就到纜車站, o個時已經大約三四點, 估唔到咁多人. 等買飛都等左大約十五分鐘. 去到買飛前, 有人問我地 "紙多喂", 對, 佢係用普通話問我的.... 唔... 係我個樣似大陸人... 定係佢地DEFAULT 語言已經係國語? 然後逼我係上圖右面紅色塊版到影相, 我話唔洗. 佢又講左句唔知咩... 嗯... 是但, 俾佢影一影. 而家纜車價錢: 單程:$28@ 來回: $40@ 來回+摩天套票 : $75@ 我地買左$75@. 因為上得山頂一定要上埋凌霄塔吧. 不過印象中乜唔係$20-30??? 連埋套票都要$75@? 唔知係咪加左價呢, 畢竟都2年冇去. 點解D 景點咁鍾意加個數字? 昂坪360 摩天台428 (凌霄塔頂頂觀光o個到而家全名係凌霄塔摩天台428) Sky 100 haha.... 再黎多D會唔記得架啦!!!! 大約等多24分鐘, 就上得了 由細到大, 都對落車時既齒輪有一個情意結. 好鍾意 :P 先去山頂廣場行一行 有個event 係到俾小朋友玩 :) 呼, 今日好涼, 好舒服! 好少可日頭係山頂睇HK景, 多數都係夜晚睇 不過今日真係好大霧. 唔夠清. 上左凌霄塔, 其實個景好似都差唔多... 我都唔係好分到, 只係遠左D咁.... 個VIEW好少少. 開始日落了 點擊圖片放大 +2 之後, 其實個天係未暗曬架... 但因為張飛只可以上一次... 我地唯有坐係到等......... 坐左差唔多四十五分鐘... 個天先黑曬... 其實說真, 有點冷. 等到暗曬之後.... 唉..... 就好好好多遊客係到啦... 根本... 要排隊, 要格硬ZIP 位, 先至行到邊邊 好危險... D人好似想推走你咁......... 其實... 我係Thailand Sky bar ... 仲細...但都唔會有咁既情況.... 我亦好耐冇試過咁樣係山頂睇夜景... 結果, 求其影左幾張相我就走了............ 點擊圖片放大 沒想過會上黎山頂, 所以今日我只拎左單腳, 冇三腳. 即係快門都唔係可以用秒數去計... 加上V1既ISO3200 係完全唔OK的. 所以... 其實影夜景都沒有好看的可以拍到... 又也許, 即使拎左三腳, 都冇位俾我放吧!!!!! 實在人太多了... 不喜歡這~! 好啦, 講下新玩具 第一次用單腳, 輕就好輕, 不過我都未係好識得Control.... 我估要玩多幾次會好D. 相機了~~~ Normal 既幾好~Scan 出黎曚左D~好似睇唔到我個樣咁, 但係就咁睇會清好多. 滿意的! 個雙重曝光好得意 (嗯, 我發現係相到我打錯左字... :P) 不過可惜冇同細妹夾過, 佢影埋個男人入去.... HAHA! 下次會更好的!! SHUTTER 係可以當埋自拍鏡用的, 不過因為我太黑細妹太白, 影出黎怪怪的, 就唔放出黎, 要讚既係7S同8都要加個自拍鏡, 但一加左, 中間就好似BLUR左咁 但用90 就唔會有咁既問題~~~非常滿意!!! 到夜影啦 一開始唔知個B快門係點, 就咁按左一下, 當然即係乜都睇唔到. 後來試左係要按實. 試左個4SEC同10SEC, 10 SEC 既效果都唔錯 不過真係要落腳架. 單腳都震+俾人撞得好勁............. 玩左部機一輪, 唯一唔滿意既係SHUTTER 快感 唔似得7S同8咁大聲"CHIP"! 佢太溫柔, 唔夠爽吧! 同唔知係第一次定咩, 我見D相紙邊都有D一點點黑色 希望下一盒會冇事啦! 叉足電可以影到100張, 亦唔洗擔心影影下冇電. 我相信我都唔會1日影100張. 加上佢個外型真係好靚仔, 我會願意帶佢周圍去架^^ 想睇番玩具相? Come on XD 攝影新玩具。即影即有 Fuji Mini 90 Neo Classic 開箱 http://ck1001.blogspot.hk/2013/10/fuji-mini-90-neo-classic.html