塔門係一個CK仔由中四話要去但去到而家都仲未去既地方. 大概因為懶吧 :P 今次既興趣重燃~我決定要盡快去, 唔係一陣又去唔到. 前一晚做research, 見到黃石入塔門既船唔密~就決定早D出發. 我地十點三去到坑口, (今日冇琴日咁多人, 可能早既關係) 十點九去到西貢~食左個早餐, 間餐廳係對住碼頭, 好舒服 好似真係去左外地旅行咁. 食左個火腿蛋腸仔長通粉. 本來以為普通野就冇影, 但係個腸仔原來係超大條芝士腸, 真係好好食! 有機會大家都可以試下 之後搭94入黃石碼頭, 睇website 見三十五分鐘一班, 但其實好密, 差唔多十分鐘就有一班 所以我地十二點三四就去到黃石碼頭. 一落船, 唔係好知係邊到買船飛, 行多幾行, 就見到有人問快艇$20位, 即走. 我見大船都上緊人, 但都OK多人, 咁就上左快艇. 原來大船就$14 一位 都係差唔多. 不過快艇一D都唔快, 我地坐係最頭, 可能怕濺水, 開得同大船差唔多SPEED 坐快艇好處就係更有外國旅行FEEL ^^ 一路好大風, 好舒服!!!! 大約十至十五分鐘就到左~ 行左幾步就見到有人賣野飲, 好熱情叫我地試, 哇, 好好飲!!!! 好清甜, 好香柑桔味~!!! 佢仲叫我地試埋D 柑桔, 話係用呢D黎沖~ 不過我地有水, 所以決定行完先再黎買. 但說老實話, 好大方, 試飲都好多 ^^ 姐姐好好人, 我問佢地睇牛係邊, 佢就指住上面方向, 仲話今朝真係好多牛 而家咁曬就未必有好多牛~ 行行行, 都見到有D牛~同埋好多牛屎XD 大約.... 5-10分鐘到, 我就見到好靚既一片草地!!! 哇, 真係好舒服!!!! 點擊圖片放大 好似去左台灣咁啊!! 見到左面有得再上去, 就決定去看看 今日真係好曬, 行得都有D辛苦 >.< 上到去, 風景不及頭先個到靚 不過有個涼亭, 好大風, 都好舒服 :) 休息左陣就落番去. 不過因為連續玩左2日, 有D累.... 所以冇去到另一面 就落番去睇下有咩行 大家都覺得應該要食豆腐花~見到有間小店食野, 就排隊. 竟然又有少少肚餓, 一場黎到, 應該要食下野. 結果我地排左成.... 30-45分鐘... 見到一家人打理既小店, 個個都好忙. 貼住好多張單, 都有D 整唔切~ 終於有位坐~姐姐好忙, 佢..... 叫我自己寫食咩 XD 因為我唔食海膽既關係, 朋友無緣試 lu~~~ hee.. 開餐 點擊圖片放大 涼粉同豆腐花一般般, 個奶茶好好飲 之後黎個炒飯, 好香啊, 同埋好大碟. 三個人食岩岩好!!! btw, D野食好平!!個飯竟然只係$38. 其實如果佢收$50 我估都好多人食. 大概, 塔門人就係純樸一點. 單純一點, 並非只顧商業. 然後, 當然返返去買柑桔蜜啦, 真係好好飲, $12 一枝, 抵!!! 亦試左佢既相思冰梅同埋紫心蕃薯, 個蕃薯質感好得意, 好似軟糖咁, EE UNUN. 回程LU~~~ 香港真係有好多好靚既地方, 只係我地有冇花時間, 花心機去發掘. 。細心留意身邊事, 發掘美麗香港地。
