話咁快又到咗秋天，又係時候要煲返啲湯水或糖水滋潤下。 帶住BB唔方便去買嘢唔緊要，而家好多嘢都可以上網買到， 由而家起至 11 月 13 日，只要係美味棧網店消費滿$400 就有免費送貨添啦！ 詳情： https://bit.ly/3mBnxHc ^美味棧「深秋滋潤．補身．豪華套裝」 呢度有預埋JM爸份架，JM爸最鍾意就係飲胡椒豬肚湯，不過我就無乜時間同心機去買個豬肚返來洗啦，所以呢個胡椒豬肚燉雞湯嘅即飲湯就啱晒。 加上JM爸返工成日要開夜，呢款湯有健脾開胃、去濕消腫嘅功效就最啱。 加熱方法小提士: 方法一: 將湯包直接倒入鍋中煮滾翻熱即可飲用。*記得唔駛加水喔~* 方法二: 將湯包倒入碗中，再以微波爐加熱 5 分鐘後即成。 ^以即飲湯來講，材料真係算多，好足料。 我會趁小JM爸差不多返到個陣先加熱，咁沖完涼出來就可以慢慢嘆啦嘛。 JM爸飲完都大讚足料，而且湯度加咗腐竹，味道更香，如果胡椒味再多啲咁就Perfect池！ 爸爸有湯飲嘅時候，又點少得我同小JM個份呢? 我就用美味棧嘅小卷花膠來燉咗個秋冬都啱食嘅滋潤糖水同女女一齊開心Share。 材料簡介： 紅棗： 養血補血亦可養顏美容 杞子： 有潤肺、補肝、明目既功效 圓肉： 益心脾，補氣血。對失眠健忘，脾虛腹瀉，產後浮腫，精神不振，等病症有效 小卷花膠小簡介： 小卷花膠係屬於鯰科其中一款名為"班加西亞魚"嘅魚肚。 由於魚肚較細小，所以在製作過程中，經熱水浸煮後，會呈不規則卷起，再經陽光照曬，便會慢慢縮細如小卷。 小卷花膠嘅膠質豐富，係廉價珍品，而且老少咸宜 紅棗杞子桂圓冰糖燉小卷花膠 材料： 小卷花膠 4-6隻 杞子 適量 紅棗 8-10粒 桂圓 8粒適量 冰糖 適量 做法： 1.）杞子、紅棗、圓肉浸水以作清洗。預備少量冰糖備用。 2.) 將已發嘅小卷花膠從雪櫃取出備用。3.）紅棗取核，並一分為二。 4.）最後將材料放入燉盅，加入滾水燉2-3小時即成。 ^紅棗杞子桂圓冰糖燉小卷花膠 出爐！ 呢款糖水夠晒滋潤，最啱秋冬飲！ ^小卷花膠雖然外型細小，但發完出來都唔差。 口感爽滑，以性價比而言絕對試得過。 發花膠小提示： 預早將小卷花膠取出並浸泡，期間需經換水，待小卷花膠變軟身即可拎去發喔。 1.) 將薑片、蔥及燒酒加至滾水內，再放入小卷花膠，滾5分鐘即可熄火 2.) 將小卷花膠浸泡以去除腥味 3.) 燉之前將小卷花膠稍作清洗即成 建議可以多發定一啲，未食嘅可以先冷藏起，咁就唔駛次次發啦。 ***小卷花膠及胡椒豬肚燉雞湯由U Blog和美味棧提供***
