嘩!嘩!嘩! 「吉卜力之動畫世界」，終於嚟到香港啦! 相信一眾 宮崎駿粉絲 都一定唔會錯過! 場內將會展出一系列宮崎駿動畫電影嘅經典場景，相信大人同小朋友都一定唔會陌生，甚至有啲仲係爸媽們嘅經典回憶添！ 我地小JM家當然都唔會放過呢個機會，一於去打卡影下靚相！ Video: 場內設有八動畫電影經典場景，各個場景都係為人所熟悉，一見就難忘！ 我喜歡嘅包括有《千與千尋》、《天空之城》、《龍貓》及《魔女宅急便》。 講到喜愛嘅角色緊係唔少得 無臉男、媒炭屎鬼、龍貓等… …統統都係我嘅飛佛來架！ 五大經典場景 必影打卡位： 百變狸貓 魔女宅急便 點擊圖片放大 哈爾移動城堡 飛天紅豬俠 幽靈公主 千與千尋 點擊圖片放大 天空之城 龍貓 唔單止咁，場內仲設置咗期間限定店，聽說有部份商品仲係會場限定架！ 想買就要趁手啦~^^~ 我同爸爸睇完展覽真係好開心又興奮，以前嘅回憶仲湧晒出來添！ 身為宮崎駿迷嘅你又點可以錯過呢？ 小分享: 因場地限制，不宜帶BB車，用揹帶會較為方便。 為配合各電影場景所需，燈光亦有強弱之分，建議想影靚相嘅可以就位或打燈，但記得唔好用閃光燈呀。 為確保場景整潔及安全，大部份場景都會設有圍欄，影相時切勿誤入喔！ 入場前可以先讚好及分享相關嘅Facebook專頁以換領紙扇或紙帽。 臨走前可係到禮品店旁富衞保險登記問卷，便於聯絡領取特別版筆記薄。 《吉卜力的動畫世界》展覽詳情 日期：2019年8月3日～11月3日 時間：11:00～22:00 地點：Portal 6311，九龍灣常悅道18號 網頁：www.ghiblihk.com 票務：Cityline - bit.ly/GHKCityline、Trip.com - bit.ly/GHKTrip、KLOOK http://bit.ly/GHKKlook
