蘿蔔雖然一年四季都食到，但要買到最清甜嘅，應該秋冬季最當造。其實，揀靚蘿蔔，先揀外表肥嘟嘟，十分飽滿，而且夠「墜手」，表面潔白兼無黑點。蘿蔔煮魚鬆，係一道十分經濟嘅家常小菜，配上煎香嘅魚鬆，絕對係最佳配搭 😉🌸🌸🌸🌸🌸🌸🌸🌸🌸🌸🌸🌸🌸🌸🌸【蘿蔔煮魚鬆】(2人份量) 材料:蘿蔔 半條鯪魚肉 半斤唐芹 1棵蔥粒 1棵薑片 5片蒜片 2粒 醃料:胡椒粉 適量麻油 1湯匙調味料:蠔油 2湯匙鹽 少許糖 少許清水 200毫升做法:1. 蘿蔔削皮，切條；唐芹清洗乾淨，切段。 2. 鯪魚肉加入蔥粒及醃料，攪拌均勻，備用。 3. 燒熱油鑊，加入鯪魚肉，用鑊剷壓成魚餅，煎至兩邊金黃，用廚房紙吸去多餘油份，放涼後切成條狀，備用。 4. 熱鑊下油爆香薑片蒜片後，加入蘿蔔略炒，之後加入蠔油及水份，煮至滾起，蓋上蓋用中火燜煮約10分鐘至蘿蔔軟身 。 5. 把魚餅回鑊，加入芹菜，鹽和糖，兜勻，即成。 📍📍小小貼士📍📍➡️ 街市賣的鯪魚肉一般已加調味，可按個人口味加入蔥粒、芫茜或果皮絲，增加風味➡️煮蘿蔔不宜太早加鹽，否則會令蘿蔔變苦
