#荃灣放電好去處 #免費遊樂設施 《Video》 靜靜帶你去玩Play Garden<按此> 係媽媽群中，荃灣最出名就係多野玩❤️ 而荃灣廣場全新 PLAY GARDEN 終於重新開幕喇🎊佔地3萬呎既空中樂園，以彩虹為主題，設有多元化休閒、玩樂設施及打卡區。 小朋友最關心既緊係有乜玩啦😏當中最吸睛既一定係🌈8米高既彩虹晴空塔，晴空塔設有3條滑梯，而其中2條七色管狀旋轉彩虹秒速滑梯分別為4.8米高及3.3米高🤩🤩小朋友可以齊齊體驗極速之旅。 點擊圖片放大 空中樂園入面有成5個鞦韆咁多🤩除左有傳統鞦韆外，重有幼兒版同圓欖狀鞦韆，訓住黎玩鞦韆勁正呀❤️ 而靜靜最中意就係🌟活力旋轉繩網🌟，係混合左繩網架同氹氹轉既元素，而且可以承載多位小朋友，岩晒佢中意同小朋友一齊玩既性格 PLAY GARDEN 中央位置有座雲兒城堡🏰，入面重有齊晒爬繩、攀石、平衡橋、小圖案推軌玩樂板同小滑梯元素添👍🏻 點擊圖片放大 不過特別要讚下PLAY GARDEN貼心整左不少幼兒都岩玩既設施，包括：幼兒版鞦韆、觸感牆、迷宮、山丘、動感搖搖雲☁️、敲擊音樂彩虹🎵等等。 今個週末你地又會唔會去呢到玩呢？ 《荃灣廣場PLAY GARDEN空中樂園》 📍地點：荃灣廣場5樓 🚪PLAY GARDEN開放時間：10:30AM - 10:00PM 🏃🏻♀️遊樂區開放時間：10:30AM - 8:00PM 🧹清潔消毒時段：2:30PM - 3:00PM 💧空中樂園設有自助飲水機 @tsuenwanplazahk #荃灣廣場 #playgarden #playgarden空中樂園 #ddprhk #放電好去處 #親子好去處 #免費遊樂場 #商場遊樂場 #室外遊樂場
