話說我六月去左14日台灣,略遊半島。 今日終於捨得出文了! 我地選用左台北入+台北走,先來一個「台灣住宿篇」先。 Day 1-3 住宿:華麗大飯店@台北西門町(http://www.imvr.net/hotel/ferrary/)。 房間名稱:商務雙人套房,可住4人。 價錢:平日~HK$ 900 (包早餐) 選擇原因:台北市既住宿價位高,所以貪華麗大飯店近市區,方便搭車。 其實由華麗行去西門町捷運都要5-10分鐘。 如果走再近d,就住新驛西門店,一落街就到西門町捷運站! 但可惜,我地人多,早個半月前book都冇足夠既房~ Day 4-5 住宿:明湖采堤渡假館@日月潭(http://sh.okgo.tw/)。 房間名稱:明湖映月四人套房,可住4人。 價錢:平日NT$ 4600 (包早餐) 選擇原因:因為有海景,重要新起冇耐,而且個浴缸靚到呢! 呢到景靚就唔洗講啦,重要個老細好好人, 你可以同佢講定你早餐想食d咩,幾點黎食,佢同佢老婆會為你預備。 Day 6 住宿:33/F 85大樓@高雄(http://www.5658.com.tw/skycity/)。 房間名稱:伊莉莎白市景六人房,可住6人。 價錢:周五價 NT$ 4680 選擇原因:因為平,重要高,一定有景睇! Day 7-8 住宿:亞哥之家@墾丁(http://www.yake.idv.tw/c2.htm)。 房間名稱:豪華面海四人房,可住4人。 價錢:周日價 NT$ 5040 ( 包樓下 7-11 NT$50卷/每人每日) 選擇原因:因為有海景,重要係望到船帆石,而且又係有個正浴缸,出面有個大露台! Day 9 住宿:愛河雪梨館@高雄(http://www.5658.com.tw/cytsunb-85/)。 房間名稱:愛河雪梨館6人,可住6人。 價錢:平日價 NT$ 4500 選擇原因:因為有愛河view同露台! 但係個露台原來勁細! 同埋房入面開冷氣,企係露台會熱死! Day 10-14 住宿:新驛旅店III@台北(http://www.gocityinn.com/Cityinn3/)。 房間名稱:時尚客房,可住2人。 價錢:平日價 NT$ 1790 選擇原因:因為近台北車站,同埋最近番新過!