香港好多好正嘅小店,都需要大家嘅支持。 而觀塘依家亦越黎越多小店,樓上店開業。 今次介紹返呢間位於「觀塘商貿區」嘅日式小店。 【峯日式料理】位於觀塘熟食市場內,唔熟路就要睇睇Google Map去啦。 >>>更多【各區美食】評價、感想、推介、分享,按我吧!<<< *************************** 觀塘其實依家都好多唔同嘅小店,但係未必會開到好夜。 【峯日式料理】門面同店內都唔算好大,真係小店黎架 同老婆兩個,一人一個餐 (上菜需時,需要大家嘅耐心等待) 【醬燒豚肉定食】$68 醬汁味濃,唔會燒得太熟食落都唔會好硬!有質素。 【石燒牛小排】$138 自己牛排自己燒啦 石板夠晒溫度,基本上燒三十秒已經好夠 牛排質素真係唔差架,只係百幾蚊,其實好抵! 當日去到差唔多八點,有部分啱啱到嘅客人,想點餐已經有定食賣晒,想食就要早到! <<地址 - Address>> 觀塘駿業街67號熟食市場1樓46號舖 Shop 46, 1/F, Tsun Yip Cooked Food Market, 67 Tsun Yip Street, Kwun Tong 整體質素評分:★★★★☆(對自己有要求嘅小店!值得支持!) 美食推薦指數:★★★★★(石燒牛排,真係大大力推薦!) 服務質素評分:★★★☆☆(兩個人一腳踢,等野食要多啲耐性) 交通方便指數:★★★★★(APM行過去,其實 5 分鐘就到!) 餐廳環境評分:★★★☆☆(熟食市場係唔夠商場乾淨,不過餐廳內氣氛就好!) 性價比:★★★★★(有質素有心機做!日式料理呢個價好值!) >>>更多【各區美食】評價、感想、推介、分享,按我吧!<<< ~喜歡我的分享~ 歡迎讚好「 Facebook」:RH Travel 屬於自己的旅程 瀏覽「Pixnet Blog」:RH 屬於自己的旅程