一小時瑜珈課程，加半小時玫瑰花泡泡浴的享受過後，我頓覺世界變得很美很美⋯⋯ 真不敢相信這些待遇都是租客的福利，世上真的有這麼好的事發生嗎？陰謀輪的一面又在我耳邊說過沒完沒了⋯⋯ Wonderful： "Zoe，有冇覺得輕鬆左呀？" 我： "有呀～你教得好好呀～尤其你尾聲果陣講嘅外語真係令人聽得好舒服好RELAX～" Wonderful："Oh Really～Zoe，當你真正鍾意Something，你會為佢Crazy～我去India學習同考牌果陣遇到好多好多難關，but it's nothing to me! 因為我鍾意，就會願意去克服～How About You？你有乜野會令你好Crazy？" 我："⋯⋯其實我自己都唔知道～" Wonderful： "Oh My Poor Zoe～Never Mind～我地幫你一齊發現你嘅 Hobby 好唔好？我地可以做Neighbour真係好難得架～慢慢你會見到我地每個人都有啲專長可以Share～你樣樣都Try，好快你會知道自己鍾意乜野～" 我："好呀～你地個個都好叻～個個都有自己嘅專長但我就乜都唔識～" Wonderful："Zoe，我杯花茶好飲嗎？" 我："好飲呀！你屋企每一樣野都好有特色好正，睇得出你一定成日週遊列國～" Wonderful："Everybody，都唔係一生出黎就會識好多野，我地人生有自己嘅際遇，住得喺大家姐呢度嘅人都有自己嘅Story～佢帶得你黎見我，我就有責任去帶你認識生命Crazy嘅一面，Zoe，我睇得到你骨子裡唔係個宅女，只要你釋放自己，你就可以放眼世界～" 大家姐："Wonderful，你唔好講到我地好似邪教或者準備要比丸仔佢食咁先得架～" Wonderful："Oh Monica，我好難得表現自己好Serious一面，你都唔俾掌聲我仲要取笑我" 我："Wonderful，大家姐，我收到，我明白，好多謝你地今日嘅招待，我諗我仲需要小小時間，好快，我可以活出真我，今日我過得好好，識到你地真係好感動！真心架！" Wonderful："Oh Zoe～You're so sweet~ love you too ~" 大家姐："慢慢黎，唔使急～ 我見你成日一個人喺屋企怕你悶先揾你出黎喳～你唔怕我地嘈吵就得架啦～" 我："唔會呀～Tal 其實都叫我嘗試多啲接觸下人，始終我住醫院住左咁耐個人都仲呆呆地" Wonderful： "月尾Halloween我地又會有Party，一齊玩啦～可以識埋其他Neighbours，我話你知，最近黎左個小鮮肉好得好得架！可惜你已經有Honey，唔可以加入我同孖妹戰團，好～我批准你做我啦啦隊啦～" 大家姐："Wonderful～人地Hugo 叫我同你講，唔好成日送Cake上去，我都話你啦～Welcome Cake係冇問題，但你可唔可以唔好日日去Welcome人地呀？" Wonderful："大家姐，收到！我Promise你聽日開始唔再送Cake！等我諗下送咩上去先～哈哈～Zoe，你知道嗎？我不嬲都鍾意大隻仔，但又好迷都閔俊Si，Hugo有齊仲怕羞，簡直係我夢寐以求嘅Type！雖然知道孖妹都冧佢，但我唔會放棄架！你會支持我個呵？" 我："會呀～梗係會啦！" 大家姐："Zoe你唔好學佢呀～冇得救架啦～人地Hugo明明就係Cool爆，都可以比佢解讀成怕羞～" Wonderful："嘩～面膜夠鐘啦～大家散啦～喂～Zoe，Halloween Party見～Monica，我唔睬你⋯⋯ 10分鐘！" 今天我很開心，認識两位交心的朋友，做完瑜珈，嘆過玫瑰花浴之後，各自回家用著Wonderful給我們的珍貴面膜，再以 Group Chat 打發時間，雖然她倆年紀都比我大，但就有種媽媽和姐姐的感覺，對，就是親情的感覺，我以前有過嗎？不知道！但，我很喜歡！ 奇怪吧！腦子最近都有很多次出現「我喜歡」三個字，這是代表我很喜歡這個時區嗎？第一次有種不想走的感覺，希望明天起床後我仍能留在這個時區，因為我想每天都見到Tal，大家姐，Wonderful，還想好好認識一下Uncle Man，以及傳說中的Hugo和孖妹！ （待續）
